ᱫᱮᱹ ᱮᱹᱵᱷᱮᱹᱱᱚᱜᱢᱮᱹ||De̠ e̠bhe̠noḱme̠

ᱫᱮᱹ ᱮᱹᱵᱷᱮᱹᱱᱚᱜᱢᱮᱹ 

ᱫᱮᱹ ᱮᱹᱵᱷᱮᱹᱱᱚᱜᱢᱮᱹ

ᱮᱹᱵᱷᱮᱹᱱᱚᱜ ᱨᱮᱭᱟᱜ ᱚᱠᱛᱮᱹ ᱠᱟᱱ;

ᱟᱞᱚᱢ ᱡᱟᱹᱯᱤᱫᱠᱟᱜ ᱫᱮᱞᱟ,

ᱥᱤᱧ ᱪᱟᱱᱫᱳ ᱯᱩᱨᱩᱵᱽ ᱱᱟᱠᱷᱟᱨᱮᱹ;

ᱰᱤᱜᱽᱼᱰᱤᱜᱮᱹ ᱨᱟᱠᱟᱵᱼᱮᱹᱱᱟ ᱾ 

ᱟᱧᱡᱚᱢ ᱢᱮᱹ ᱪᱮᱬᱮᱸᱼᱪᱤᱯᱨᱩᱫ ᱠᱳ;

ᱦᱚᱦᱚᱭᱮᱹᱫ ᱮᱹᱵᱷᱮᱹᱱ ᱟᱲᱟᱝ,

ᱫᱤᱥᱟᱹᱜᱚᱫᱽᱢᱮᱹ ᱛᱤᱱᱟᱹᱜ ᱠᱟᱹᱢᱤ;

ᱢᱮᱱᱟᱜ ᱟᱢᱟᱜ ᱢᱟᱲᱟᱝ ᱾ 

ᱛᱩᱧᱟᱠᱟᱫ ᱥᱟᱨ ᱞᱮᱠᱟ;

ᱚᱠᱛᱮᱹ ᱫᱷᱟᱶᱲᱟᱼᱫᱷᱟᱹᱶᱲᱤ,

ᱵᱟᱝᱜᱮᱭᱮᱹ ᱛᱟᱹᱝᱜᱤᱭᱟ ᱵᱳᱭᱦᱟ,

ᱦᱩᱫᱤᱥᱢᱮᱹ ᱱᱤᱛ ᱥᱟᱹᱨᱤᱼᱥᱟᱹᱨᱤ ᱾ 

ᱟᱹᱠᱤᱞᱼᱵᱤᱫᱤᱭᱟᱹ ᱦᱟᱢᱮᱹᱴ ᱢᱮᱹ;

ᱱᱤᱛ ᱜᱮ ᱵᱳᱭᱦᱟ ᱳᱱᱟ ᱟᱹᱛ,

ᱛᱚᱵᱮᱭᱟᱱᱮᱹᱡ ᱛᱟᱦᱮᱹᱱ ᱥᱟᱹᱨᱤ

ᱟᱵᱳᱣᱟᱜ ᱡᱟᱹᱛ ᱢᱟᱹᱨᱡᱟᱹᱛ ᱾ 

ᱚᱞᱚᱜᱼᱟᱹᱠᱤᱞ ᱵᱟᱝ ᱦᱚᱸ ;

ᱢᱤᱫᱴᱮᱹᱱ ᱵᱟᱹᱲᱤᱡ ᱜᱳᱞᱟᱢ ᱫᱳᱥᱟ,

ᱛᱤᱥᱵᱳᱱ ᱯᱷᱩᱨᱜᱟᱹᱞᱚᱜ ᱵᱳᱭᱦᱟ;

ᱛᱤᱥᱵᱳᱱ ᱪᱷᱟᱰᱟᱣᱜᱼᱟᱵᱷᱟᱞᱟ?

 

ᱡᱟᱦᱮᱨ ᱜᱟᱲ

ᱡᱟᱦᱮᱨ ᱚᱲᱟᱜ