ᱢᱩᱡᱠᱳ ᱨᱮᱭᱟᱜ ᱨᱚᱢᱚᱡᱽ ᱛᱮᱛᱮᱫ

ᱥᱟᱨᱟ ᱡᱮᱜᱮᱛ ᱨᱮ ᱑᱒,᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱟᱭᱢᱟ ᱞᱮᱠᱟᱱ ᱢᱩᱡᱠᱳ ᱢᱮᱱᱟᱜ ᱠᱚᱣᱟ!

ᱢᱩᱡ ᱟᱠᱳᱣᱟᱜ ᱦᱚᱲᱢᱳ ᱨᱮᱭᱟᱜ ᱦᱟᱢᱟᱞ ᱠᱷᱚᱱ ᱒᱐ ᱜᱩᱱᱟ ᱵᱟᱹᱲᱛᱤ ᱦᱟᱢᱟᱞ ᱡᱤᱱᱤᱥ ᱠᱳ ᱠᱩᱴᱩᱢ ᱫᱟᱲᱮᱭᱟᱜᱼᱟ᱾ 

ᱡᱩᱫᱤ ᱫᱚᱥᱟᱨ ᱪᱟᱱᱟᱪ ᱨᱮᱱ ᱜᱤᱫᱽᱨᱟᱹ ᱢᱩᱡ ᱡᱟᱦᱟᱸ ᱛᱤᱱᱟᱹᱜ ᱠᱮᱴᱮᱡᱼᱮ ᱛᱟᱦᱮᱱᱟ, ᱠᱷᱟᱱ ᱩᱱᱤ ᱢᱤᱫ ᱠᱟᱨᱮ ᱠᱩᱴᱢ ᱫᱟᱲᱮᱭᱟᱜᱼᱟ!

ᱢᱩᱡ ᱠᱚᱞᱚᱱᱤ ᱫᱚ ᱢᱤᱫ ᱢᱩᱡ ᱨᱟᱹᱱᱤ ᱦᱚᱛᱮᱛᱮ ᱪᱟᱞᱟᱣᱚᱜ ᱠᱟᱱᱟ, ᱚᱠᱚᱭ ᱫᱚ ᱮᱴᱟᱜ ᱢᱩᱡ ᱠᱳᱭ ᱠᱚᱵᱚᱡᱽ ᱠᱚᱣᱟ᱾

ᱛᱤᱱᱟᱹᱜ ᱜᱟᱱ ᱨᱟᱹᱱᱤ ᱢᱩᱡ ᱟᱭᱢᱟ ᱥᱮᱨᱢᱟ ᱦᱟᱹᱵᱤᱡ ᱡᱤᱣᱤᱫ ᱠᱳ ᱛᱟᱦᱮᱱᱟ ᱟᱨ ᱞᱟᱠᱷ ᱜᱤᱫᱽᱨᱟᱹᱠᱳ ᱡᱟᱱᱟᱢ ᱠᱳᱚᱣᱟ ᱾

ᱢᱩᱡᱠᱳᱣᱟᱜ ᱞᱩᱛᱩᱨ ᱵᱟᱝ ᱛᱟᱦᱮᱱᱟ᱾ ᱢᱩᱡᱠᱳ ᱟᱠᱳᱣᱟᱜ ᱡᱟᱝᱜᱟ ᱛᱮ ᱚᱛ ᱨᱮ ᱦᱳᱭᱳᱜ ᱠᱟᱱ ᱜᱟᱲᱜᱟᱲ (ᱤᱠᱤᱱᱚᱭᱤᱥ) ᱟᱹᱭᱠᱟᱹᱣ ᱠᱟᱛᱮ ᱠᱳ "ᱟᱧᱡᱚᱢᱟ"᱾

ᱢᱩᱡᱠᱳᱣᱟᱜ ᱯᱷᱮᱯᱷᱲᱟ (ᱞᱟᱝᱜᱽᱥ) ᱵᱟᱝ ᱛᱟᱦᱮᱱᱟ᱾ ᱦᱚᱭ ᱳᱱᱠᱳᱣᱟᱜ ᱦᱚᱲᱠᱳ ᱨᱮ ᱢᱮᱱᱟᱜ ᱠᱟᱹᱴᱤᱴ-ᱠᱟᱹᱴᱤᱡ ᱵᱷᱩᱜᱠᱳᱨᱮ ᱠᱷᱚᱱ ᱵᱷᱤᱛᱨᱤ ᱵᱚᱞᱚᱜᱼᱟ-ᱦᱤᱡᱩᱜᱼᱟ ᱟᱨ ᱵᱟᱦᱨᱮ ᱳᱰᱳᱝᱚᱜᱼᱟ᱾

ᱛᱤᱱ ᱨᱮ ᱢᱩᱡᱠᱳ ᱟᱠᱳ-ᱟᱠᱳ ᱨᱮᱠᱳ ᱛᱟᱯᱟᱢ ᱟᱠᱟᱱᱟ ᱠᱷᱟᱱ ᱳᱱᱠᱟ ᱞᱮᱠᱟᱛᱮ ᱳᱱᱠᱳ ᱫᱚᱠᱳ ᱜᱩᱡᱩᱜᱠᱳ ᱛᱟᱦᱮᱱᱟ!

ᱢᱩᱡᱠᱳ ᱡᱟᱦᱟᱸ ᱛᱮᱜᱤᱠᱳ ᱥᱮ ᱥᱮᱱᱟᱜᱼᱟ, ᱚᱱᱰᱮ ᱟᱫᱽᱨᱤᱥᱭᱟ ᱵᱽᱨᱮᱰᱠᱨᱟᱢᱵᱽᱥ (ᱡᱟᱦᱟᱸ ᱫᱚ (ᱯᱷᱮᱨᱚᱢᱚᱱ ᱴᱨᱮᱞ ᱠᱳ ᱢᱮᱛᱟᱜᱼᱟ) ᱟᱲᱟᱜ , ᱡᱟᱦᱟᱸ ᱫᱚ ᱳᱱᱠᱳᱠᱳ ᱵᱟᱰᱟᱭ ᱧᱟᱢᱮᱫᱟ ᱡᱮ ᱚᱠᱟ ᱥᱮᱫ ᱠᱚ ᱥᱮᱱ ᱞᱮᱱᱟ᱾ 

ᱠᱟᱹᱢᱤᱭᱟᱹ ᱢᱩᱡ ᱦᱚᱯᱚᱱ ᱵᱟᱝᱠᱳ ᱡᱟᱱᱟᱢ ᱫᱟᱲᱮᱭᱟᱠᱳᱣᱟ᱾  ᱱᱚᱣᱟ ᱨᱮᱭᱟᱜ ᱢᱮᱱᱮᱫ ᱫᱚ ᱱᱚᱣᱟ ᱡᱮ ᱛᱤᱱ ᱨᱮ ᱨᱟᱹᱱᱤ ᱢᱩᱡᱠᱳ ᱠᱚ ᱜᱩᱡᱩᱜᱼᱟ, ᱠᱷᱟᱱ ᱥᱟᱫᱷᱟᱨᱚᱱ ᱛᱮ ᱛᱤᱱᱟᱹᱜ ᱜᱟᱱ ᱪᱟᱱᱫᱚ ᱛᱟᱭᱳᱢ ᱠᱚᱞᱚᱱᱤ ᱦᱚᱸ ᱠᱳ ᱜᱩᱡᱩᱜᱼᱟ᱾

ᱢᱩᱡᱠᱳ ᱫᱚ ᱟᱠᱳᱣᱟᱜ ᱦᱚᱨᱟ ᱞᱮᱠᱟᱛᱮ ᱟᱭᱢᱟ ᱞᱮᱠᱟᱱ ᱡᱚᱢᱟᱜ ᱡᱤᱱᱤᱥᱠᱳ ᱡᱚᱢᱟ, ᱡᱟᱦᱟᱸ ᱨᱮ ᱦᱮᱲᱮᱢ, ᱪᱤᱱᱤ ᱡᱚᱢᱟᱜ ᱥᱮ ᱪᱟᱨᱢᱭᱩᱠᱛ, ᱥᱩᱱᱩᱢ ᱡᱚᱢᱟᱜ ᱥᱮᱞᱮᱫ ᱢᱮᱱᱟᱜᱼᱟ᱾

ᱢᱩᱡᱠᱳ ᱫᱚ ᱥᱚ, ᱡᱚᱴᱮᱫ, ᱢᱚᱥᱟᱱ, ᱥᱟᱰᱮ ᱟᱨ ᱴᱨᱚᱯᱷᱟᱞᱟᱤᱠᱥᱤᱥ ᱦᱚᱛᱮᱛᱮ ᱠᱳ ᱡᱚᱜᱟᱡᱩᱜᱽ ᱮᱫᱟ᱾

ᱟᱢ ᱥᱮᱞᱮᱨᱤ ᱟᱨ ᱵᱟᱫᱚᱢ (ᱯᱤᱱᱟᱴ) ᱨᱮᱭᱟᱜ ᱫᱟᱦᱤ ᱞᱮᱠᱟᱱ ᱥᱟᱶᱟᱨ ᱵᱟᱹᱥᱠᱟᱹᱜ ᱥᱟᱶᱛᱮ ᱞᱳᱜᱽ ᱨᱮ ᱢᱩᱡᱠᱳᱣᱟᱜᱼᱮᱢ ᱵᱮᱱᱟᱣ ᱫᱟᱲᱮᱭᱟᱜᱼᱟ᱾