ᱫᱤᱥᱟᱹᱢ ᱜᱩᱨᱩ ᱵᱤᱨ ᱥᱤᱵᱩ ᱥᱚᱨᱮᱱ

ᱫᱤᱥᱟᱹᱢ ᱜᱩᱨᱩ ᱵᱤᱨ ᱥᱤᱵᱩ ᱥᱚᱨᱮᱱ 

ᱡᱟᱭᱡᱩᱜᱽᱼᱮ ᱵᱳᱝᱜᱟ ᱛᱟᱞᱟᱭᱮᱱ

ᱟᱢ ᱵᱮᱜᱚᱨ ᱱᱳᱣᱟ ᱡᱷᱟᱨᱠᱷᱟᱱᱰ ᱦᱟᱭᱨᱮ ᱴᱩᱣᱟᱹᱨᱮᱱᱟ,

ᱟᱞᱮ ᱟᱹᱫᱤᱵᱟᱹᱥᱤ ᱦᱚᱯᱚᱱᱟᱜ ᱳᱲᱟᱜ ᱫᱷᱚᱱ ᱫᱚ ᱩᱡᱟᱹᱲᱮᱱᱟ᱾

ᱚᱠᱚᱭ ᱵᱷᱳᱨᱥᱟ ᱚᱠᱚᱭ ᱟᱥᱟᱨᱮ ᱟᱞᱮᱢ ᱡᱤᱢᱟᱹ ᱠᱟᱫ ᱞᱮ,

ᱟᱢ ᱵᱮᱜᱚᱨ ᱟᱞᱮ ᱟᱫᱤᱣᱟᱥᱤ ᱳᱦᱟᱭ ᱦᱟᱞᱮ ᱰᱟᱞᱮ᱾ 

ᱟᱢ ᱠᱷᱟᱹᱛᱤᱨ ᱜᱮ ᱥᱟᱱᱛᱟᱞ ᱦᱚᱯᱚᱱ ᱪᱮᱛᱟᱱ ᱪᱟᱵᱟ ᱞᱮᱱᱟ ᱨᱚᱰᱚᱡ ᱠᱚᱪᱞᱚᱱ,

ᱟᱢ ᱜᱮ ᱛᱳᱢ ᱥᱟᱦᱟ ᱞᱮᱫ ᱛᱟᱠᱳ ᱨᱟᱡᱽ ᱫᱚ ᱢᱟᱦᱟᱡᱚᱱ᱾ 

ᱛᱤᱱᱟᱹᱜ ᱦᱟᱨᱠᱮᱛ ᱛᱤᱱᱟᱹᱜ ᱥᱟᱥᱮᱛ,

ᱮᱱᱦᱳᱸ ᱡᱷᱟᱨᱠᱷᱟᱱᱰ ᱨᱟᱡᱽ ᱵᱮᱱᱟᱣ ᱟᱸᱫᱳᱲᱮᱢ ᱞᱮᱫ ᱵᱮᱨᱮᱫ᱾

ᱟᱢᱟᱜ ᱠᱩᱨᱩᱢᱩᱴᱩ ᱜᱮ ᱛᱟᱦᱮᱸᱠᱟᱱ ᱵᱤᱨ ᱵᱩᱨᱩ ᱫᱟᱨᱮᱱᱟᱹᱲᱤ ᱵᱟᱧᱪᱟᱜ,

ᱟᱢᱟᱜ ᱠᱩᱨᱩᱢᱩᱴᱩ ᱜᱮ ᱛᱟᱦᱮᱸᱠᱟᱱ ᱦᱟᱹᱱᱰᱤ ᱯᱟᱹᱣᱨᱟᱹ ᱱᱤᱥᱟᱹ ᱠᱷᱚᱱ ᱵᱳ ᱥᱟᱦᱟᱜ᱾

ᱟᱢᱟᱜ ᱠᱩᱨᱩᱢᱩᱴᱩ ᱜᱮ ᱛᱟᱦᱮᱸᱠᱟᱱᱟ ᱫᱤᱥᱟᱹᱢ

ᱟᱹᱫᱤᱵᱟᱹᱥᱤ ᱥᱟᱱᱛᱟᱞᱠᱳ ᱮᱵᱷᱮᱱ

ᱢᱤᱫ ᱟᱲᱟᱝ ᱨᱮ ᱦᱩᱞ ᱥᱮᱝᱜᱮᱞ

ᱜᱳᱴᱟ ᱫᱤᱥᱟᱹᱢ ᱡᱩᱞ ᱞᱮᱱ

ᱪᱳᱴ ᱪᱟᱱᱫᱳ ᱵᱟᱭ ᱫᱟᱭᱟ ᱞᱮᱱ, 

ᱟᱞᱮ ᱥᱟᱶ ᱠᱷᱚᱱᱮ ᱥᱟᱦᱟ ᱠᱮᱫ ᱢᱮ᱾

ᱟᱢᱟᱜ ᱠᱩᱠᱢᱩ ᱫᱚ ᱛᱤᱥᱦᱳᱸ ᱵᱟᱝ ᱡᱤᱨᱟᱹᱜ,

ᱟᱞᱮ ᱡᱚᱛᱚ ᱠᱳᱛᱮ ᱱᱤᱛ ᱞᱮ ᱫᱷᱩᱨᱟᱹᱜ᱾

ᱟᱢᱟᱜ ᱩᱫᱽᱜᱟᱹᱣ ᱟᱢᱟᱜ ᱫᱤᱞ ᱫᱟᱲᱮ 

ᱫᱤᱥᱟᱹ ᱫᱚᱦᱚᱭᱟᱞᱮ,

ᱟᱢᱟᱜ ᱠᱟᱹᱢᱤ ᱠᱩᱠᱢᱩ ᱩᱭᱦᱟᱹᱨ ᱛᱮ ᱞᱟᱦᱟᱥᱮᱱ ᱛᱟᱲᱟᱢᱟᱞᱮ᱾

=====

ᱦᱤᱨᱞᱟᱹ ᱢᱟᱨᱟᱝ ᱵᱩᱨᱩ 

ᱚᱱᱚᱬᱦᱤᱭᱟᱹ - ᱫᱷᱟᱨᱢᱮᱱᱡᱚᱭ ᱦᱮᱢᱵᱽᱨᱚᱢ