ᱚᱞ ᱜᱩᱨᱩ ᱯᱟᱸᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ
ᱥᱟᱱᱛᱟᱞᱤ ᱯᱟᱹᱨᱥᱤ ᱥᱟᱶᱦᱮᱸᱫᱨᱮᱱ ᱱᱟᱢᱰᱟᱠ ᱥᱟᱶᱦᱮᱸᱫᱤᱭᱟᱹ ᱢᱟᱱ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱐᱕/᱐᱕/᱑᱙᱐᱕ ᱨᱮ ᱵᱟᱹᱭᱥᱟᱹᱠ ᱠᱩᱱᱟᱹᱢᱤ ᱨᱮ ᱳᱰᱤᱥᱟ ᱨᱟᱡᱚᱥᱴᱤ ᱨᱮ ᱢᱮᱱᱟᱜ ᱢᱟᱭᱩᱨᱵᱷᱟᱱᱡᱽ ᱡᱤᱞᱟᱹ ᱨᱮᱭᱟᱜ ᱰᱟᱦᱟᱨᱰᱤᱦ ᱰᱟᱸᱱᱰᱵᱳᱥ ᱧᱩᱛᱩᱢᱟᱱᱟᱜ ᱟᱛᱳᱨᱮ ᱐᱕/᱐᱕/᱑᱙᱐᱕ ᱥᱮᱨᱢᱟᱨᱮᱭ ᱡᱟᱱᱟᱢᱞᱮᱱᱟ᱾ ᱟᱡ ᱟᱯᱟᱛᱟᱜ ᱧᱩᱛᱩᱢ ᱫᱚ ᱱᱟᱱᱫᱽᱞᱟᱞ ᱢᱩᱨᱢᱩ ᱟᱨ ᱟᱡᱨᱮᱱ ᱫᱩᱞᱟᱹᱲᱤᱭᱟᱹ ᱮᱝᱜᱟᱛᱟᱜ ᱧᱩᱛᱩᱢ ᱫᱚ ᱥᱳᱞᱳᱢᱤ ᱴᱩᱰᱩ ᱛᱟᱦᱮᱸᱠᱟᱱᱛᱟᱭᱟ᱾ ᱢᱟᱱ ᱨᱟᱹᱜᱷᱩᱱᱟᱛ ᱢᱩᱨᱢᱩᱛᱟᱠᱳ ᱫᱚ ᱯᱳᱱ ᱵᱳᱭᱦᱟᱠᱳ ᱛᱟᱦᱮᱸᱠᱟᱱᱟ᱾ ᱟᱡ ᱠᱷᱚᱱ ᱞᱟᱹᱴᱩᱠᱤᱱ ᱵᱟᱨ ᱠᱩᱲᱤ ᱵᱳᱭᱦᱟ ᱵᱟᱦᱟ ᱢᱩᱨᱢᱩ ᱟᱨ ᱥᱳᱱᱟ ᱢᱩᱨᱢᱩ ᱟᱨ ᱟᱡ ᱠᱷᱚᱱ ᱠᱟᱹᱴᱤᱡᱼᱤᱡ ᱵᱳᱭᱦᱟ ᱠᱳᱲᱟᱣᱟᱜ ᱧᱩᱛᱩᱢ ᱫᱚ ᱫᱩᱵᱽᱨᱟᱡᱽ ᱢᱩᱨᱢᱩ᱾
ᱢᱟᱱ ᱨᱟᱹᱜᱷᱩᱱᱟᱛᱷ ᱢᱩᱨᱢᱩᱣᱟᱜ ᱮᱛᱚᱦᱚᱵ ᱟᱹᱠᱤᱞ ᱦᱟᱹᱜᱦᱟᱹᱨ ᱫᱚ ᱑᱙᱑᱒ ᱨᱮ ᱮᱭᱟᱭ ᱥᱮᱨᱢᱟ ᱩᱢᱮᱨ ᱨᱮᱱᱮ ᱛᱟᱦᱮᱸᱠᱟᱱ ᱡᱚᱠᱷᱮᱡ, ᱟᱠᱳ ᱟᱛᱳ ᱠᱷᱚᱱ ᱯᱮ ᱠᱤᱢᱤ. ᱥᱟᱹᱝᱜᱤᱧᱨᱮ ᱢᱮᱱᱟᱜ ᱜᱟᱢᱦᱟᱨᱤᱭᱟ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱦᱚᱵᱞᱮᱱᱛᱟᱭᱟ᱾ ᱤᱱᱟᱹᱠᱟᱛᱮ ᱩᱱᱤ ᱫᱚ ᱑᱙᱑᱔ ᱨᱮ ᱟᱠᱳ ᱟᱛᱳ ᱠᱷᱚᱱ ᱮᱭᱟᱭ ᱠᱤᱢᱤ• ᱥᱟᱹᱝᱜᱤᱧᱨᱮ ᱢᱮᱱᱟᱜ ᱵᱟᱦᱟᱞᱫᱟ ᱯᱨᱟᱭᱢᱟᱨᱤ ᱥᱠᱩᱞᱨᱮ ᱛᱮᱥᱟᱨ ᱠᱤᱞᱟᱥᱨᱮᱭ ᱵᱷᱩᱨᱛᱤᱭᱱᱟ᱾ ᱩᱱᱤ ᱫᱚ ᱑᱙᱒᱒ ᱨᱮ ᱳᱱᱟ ᱥᱠᱩᱞ ᱠᱷᱚᱱ ᱯᱟᱥ ᱳᱰᱳᱝᱠᱟᱛᱮ ᱢᱟᱭᱩᱨᱵᱷᱟᱱᱡᱽ ᱨᱮᱭᱟᱜ ᱵᱟᱨᱤᱯᱟᱫᱟ ᱦᱟᱭ ᱥᱠᱩᱞ (High school) ᱨᱮᱭ ᱵᱷᱩᱨᱛᱤᱭᱱᱟ᱾ ᱩᱱᱤ ᱫᱚ ᱑᱙᱒᱕ ᱨᱮ ᱢᱤᱫᱴᱮᱱ ᱱᱟᱶᱟᱸ ᱦᱟᱨᱚᱯᱮ ᱜᱟᱲᱦᱟᱣᱠᱮᱫᱟ ᱚᱱᱮ ᱳᱱᱟ ᱨᱮᱭᱟᱜ ᱧᱩᱛᱩᱢ ᱫᱚ ᱚᱞ ᱪᱤᱠᱤ ᱦᱳᱭᱳᱜᱠᱟᱱ᱾ ᱢᱟᱱ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱑᱙᱒᱘ ᱨᱮ ᱢᱮᱴᱨᱤᱠ ᱵᱤᱰᱟᱣᱮ ᱯᱟᱥᱞᱮᱫᱟ᱾ ᱢᱮᱴᱨᱤᱠ ᱵᱤᱰᱟᱹᱣ ᱯᱟᱥᱠᱮᱫ ᱛᱟᱭᱱᱚᱢ ᱑᱙᱓᱐ ᱨᱮ ᱩᱱᱤ ᱫᱚ ᱵᱤᱦᱟᱨ ᱨᱟᱡᱚᱥᱴᱤ ᱨᱮᱭᱟᱜ ᱠᱩᱨᱩᱢᱯᱤᱲ ᱡᱟᱢᱡᱳᱲᱟ ᱟᱛᱳᱨᱮᱱ ᱫᱟᱥᱢᱟᱛ ᱵᱟᱥᱠᱮᱨᱮᱱ ᱥᱟᱫᱷᱮᱨ ᱦᱚᱯᱚᱱᱮᱨᱟ ᱱᱩᱦᱟ ᱵᱟᱥᱠᱮ ᱥᱟᱶ ᱵᱟᱯᱞᱟ ᱦᱳᱭᱞᱮᱱᱛᱟᱭᱟ᱾
ᱵᱟᱯᱞᱟ ᱛᱟᱭᱳᱢ ᱢᱟᱱ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱵᱟᱨᱤᱯᱟᱫᱟᱨᱮ ᱢᱮᱱᱟᱜ ᱯᱟᱣᱟᱹᱨ ᱦᱳᱣᱩᱥᱨᱮ ᱟᱯᱯᱨᱮᱱᱴᱤᱥ ᱨᱮᱭᱟᱜ ᱰᱤᱜᱽᱨᱤᱭ ᱦᱟᱛᱟᱣᱠᱮᱫᱟ᱾ ᱤᱱᱟᱹᱠᱟᱛᱮ ᱩᱱᱤ ᱫᱚ ᱴᱮᱠᱱᱤᱠᱟᱞ ᱮᱡᱩᱠᱮᱥᱟᱹᱱ ᱨᱮᱭᱟᱜ ᱴᱨᱮᱱᱤᱝ ᱦᱟᱛᱟᱣ ᱞᱟᱹᱜᱤᱫ ᱥᱮᱨᱟᱢᱯᱩᱨ, ᱠᱳᱞᱠᱟᱛᱟᱛᱮᱭ ᱪᱟᱞᱟᱣᱮᱱᱟ᱾ ᱢᱤᱫ ᱥᱮᱨᱢᱟ ᱨᱮᱭᱟᱜ ᱴᱨᱮᱱᱤᱝ ᱯᱟᱥᱠᱟᱛᱮ ᱳᱲᱟᱜᱼᱮ ᱨᱩᱣᱟᱹᱲᱮᱱᱟ ᱟᱨ ᱵᱚᱰᱟᱢᱛᱟᱹᱲᱤᱭᱟ ᱤᱱᱰᱟᱥᱴᱨᱤᱭᱟᱞ ᱥᱠᱩᱞᱨᱮᱱ ᱪᱮᱫᱪᱮᱫ ᱢᱟᱦᱟᱥᱚᱭ ᱞᱮᱠᱟᱛᱮᱭ ᱵᱟᱦᱟᱞᱤᱭᱮᱱᱟ ᱟᱨ ᱛᱷᱳᱲᱟ ᱫᱤᱱ ᱛᱟᱭᱳᱢ ᱩᱱᱤ ᱫᱚ ᱳᱱᱟ ᱥᱠᱩᱞᱨᱮᱱ ᱦᱮᱰ ᱢᱟᱥᱴᱟᱹᱨ ᱨᱮᱭᱟᱜ ᱦᱩᱫᱟᱹᱨᱮᱭ ᱵᱟᱦᱟᱞ ᱳᱪᱳᱭᱮᱱᱟ᱾
ᱚᱞ ᱜᱩᱨᱩ ᱢᱟᱱ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱠᱟᱹᱴᱤᱡ ᱩᱢᱮᱨ ᱠᱷᱚᱱᱜᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱞᱟᱹᱜᱤᱫ ᱟᱹᱰᱤ ᱫᱩᱞᱟᱹᱲ ᱛᱟᱦᱮᱸᱠᱟᱱᱛᱟᱭᱟ᱾ ᱩᱱᱤ ᱫᱚ ᱟᱡᱼᱟᱜ ᱚᱞᱟᱜᱠᱳ ᱦᱚᱛᱮᱛᱮ ᱥᱟᱱᱛᱟᱞᱤ ᱥᱟᱶᱦᱮᱸᱫᱼᱮ ᱠᱤᱥᱟᱹᱬ ᱳᱪᱳᱣᱟᱠᱟᱫᱼᱟ᱾ ᱥᱟᱶᱦᱮᱸᱫᱨᱮ ᱟᱡᱼᱟᱜ ᱟᱥᱟᱢᱵᱷᱮᱲ ᱮᱱᱮᱢ ᱠᱷᱟᱹᱛᱤᱨᱛᱮ ᱜᱩᱨᱩ ᱜᱚᱢᱠᱮ, ᱯᱟᱸᱱᱰᱤᱛ ᱮᱢᱟᱱ ᱥᱟᱵᱟᱫᱽᱛᱮᱭ ᱧᱩᱢ ᱦᱟᱞᱟᱝ ᱳᱪᱳᱣᱟᱠᱟᱱᱟ᱾ ᱤᱱᱟᱹ ᱪᱷᱟᱰᱟ ᱩᱱᱤ ᱫᱚ ᱫᱳᱪᱛᱳᱨ ᱳᱯᱷ ᱞᱤᱛᱮᱨᱟᱛᱩᱨᱮ ᱛᱮ ᱦᱚᱸᱭ ᱢᱟᱱᱚᱛ ᱳᱪᱳᱣᱟᱠᱟᱱᱟ᱾
᱑. ᱦᱚᱲ ᱥᱮᱨᱮᱧ ᱼ ᱑᱙᱓᱖᱾
᱒. ᱵᱤᱫᱩ ᱪᱟᱱᱫᱟᱱ ᱼ ᱑᱙᱔᱒᱾
᱓. ᱧᱮᱞᱡᱚᱝ ᱞᱟᱹᱜᱤᱫ ᱚᱞ ᱼ᱑᱙᱔᱖᱾
᱔. ᱚᱞ ᱪᱮᱢᱮᱫ ᱼ ᱑᱙᱔᱖᱾
᱕. ᱫᱟᱲᱮᱜᱮ ᱫᱷᱚᱱ ᱼ ᱑᱙᱔᱘᱾
᱖. ᱠᱷᱮᱨᱣᱟᱞ ᱵᱤᱨ ᱼ ᱑᱙᱕᱒᱾
᱗. ᱚᱞ ᱳᱨᱳᱢ ᱼ ᱑᱙᱕᱔᱾
᱘. ᱵᱟᱦᱟ ᱥᱮᱨᱮᱧ ᱼ ᱑᱙᱕᱔᱾
᱙. ᱦᱤᱛᱟᱹᱞ ᱼ ᱑᱙᱖᱖᱾
᱑᱐. ᱮᱞᱠᱷᱟ ᱼ ᱑᱙᱖᱖᱾
᱑᱑. ᱞᱟᱠᱪᱟᱨ ᱥᱮᱨᱮᱧ ᱼ
᱑᱒. ᱯᱟᱹᱨᱥᱤ ᱤᱛᱩᱱ ᱼ ᱑᱙᱖᱗᱾
᱑᱓. ᱵᱟᱠᱷᱮᱬ ᱼ ᱑᱙᱖᱗᱾
᱑᱔. ᱯᱟᱹᱨᱥᱤ ᱯᱳᱦᱟ ᱼ ᱑᱙᱖᱘᱾
᱑᱕. ᱨᱚᱱᱚᱲ ᱼ ᱑᱙᱗᱖᱾
᱑᱖. ᱯᱟᱹᱨᱥᱤ ᱳᱯᱟᱫ ᱼ ᱑᱙᱙᱒
᱑᱗. ᱥᱤᱫᱳ ᱠᱟᱹᱱᱦᱩ ᱼ ᱑᱙᱙᱖
᱑᱘. ᱨᱟᱜ ᱟᱱᱫᱳᱲ ᱼ?
ᱛᱩᱢᱟᱹᱞᱼ ᱥᱟᱱᱛᱟᱞᱤ ᱥᱟᱦᱤᱛᱭᱠᱟᱹᱨ ᱤᱛᱤᱦᱟᱥᱼ ᱦᱮᱢᱵᱽᱨᱚᱢ, ᱯᱟᱨᱤᱢᱳᱞ ᱟᱨ ᱦᱟᱱᱛᱮ ᱱᱷᱟᱛᱮ ᱠᱷᱚᱱ᱾
ᱠᱳᱣᱨᱴᱮᱥᱤ:ᱼ ᱯᱩᱨᱠᱷᱟ ᱞᱟᱲᱟᱠᱟ
°•°•°•°••°•°•°•°
