ᱤᱧ ᱫᱚ ᱫᱟᱹᱥᱩᱲᱳᱜᱠᱟᱱ ᱳᱲᱟᱜ ᱠᱟᱱᱟᱹᱧ

 

ᱤᱧ ᱫᱚ ᱫᱟᱹᱥᱩᱲᱳᱜᱠᱟᱱ ᱳᱲᱟᱜ ᱠᱟᱹᱱᱟᱹᱧ

ᱤᱧ ᱫᱚ ᱫᱟᱹᱥᱩᱲᱳᱜᱠᱟᱱ ᱳᱲᱟᱜ ᱠᱟᱱᱟᱹᱧ
ᱛᱤᱱᱟᱹᱜ ᱫᱤᱱ ᱤᱧᱨᱮ ᱟᱢᱮᱢ ᱛᱟᱦᱮᱸᱠᱟᱱᱟ
ᱩᱱ ᱦᱟᱹᱵᱤᱡ ᱡᱤᱣᱮᱫᱜᱮᱹᱧ ᱛᱟᱦᱮᱸᱠᱟᱱᱟ
ᱛᱤᱱᱟᱹᱜ ᱫᱤᱱ ᱟᱢᱮᱢ ᱛᱟᱦᱮᱱᱠᱟᱱ ᱛᱟᱦᱮᱸᱱᱟ
ᱤᱧ ᱦᱚᱸᱧ ᱛᱟᱦᱮᱱᱠᱟᱱ ᱛᱟᱦᱮᱸᱱᱟ 
ᱟᱢᱮᱢ ᱪᱟᱞᱟᱣᱮᱱᱟ ᱤᱧ ᱦᱚᱸᱧ ᱪᱟᱞᱟᱜᱠᱟᱱᱟ᱾

ᱟᱢ ᱫᱚ ᱪᱟᱞᱟᱜ ᱡᱚᱠᱮᱱ
ᱠᱟᱯᱟᱴᱠᱳ ᱦᱩᱨᱠᱟᱹᱲ ᱳᱴᱳᱠᱟᱛᱮ
ᱪᱟᱞᱟᱣ ᱥᱟᱹᱝᱜᱤᱧᱮᱱᱟᱢ
ᱤᱧ ᱫᱚ ᱱᱚᱱᱰᱮᱜᱮᱹᱧ ᱛᱮᱝᱜᱳ ᱛᱟᱦᱮᱸᱭᱮᱱᱟ
ᱠᱚᱭᱚᱜᱨᱮᱹᱧ ᱛᱟᱦᱮᱸᱠᱟᱱᱟ
ᱟᱢᱟᱜ ᱦᱚᱨ
ᱢᱮᱱᱠᱷᱟᱱ ᱵᱟᱢ ᱦᱮᱡᱞᱮᱱᱟ᱾

ᱟᱢ ᱫᱚ ᱨᱟᱵᱟᱝᱨᱮᱢ ᱪᱟᱞᱟᱣᱞᱮᱱᱟ
ᱠᱮᱴᱮᱡ ᱫᱳᱞᱟᱱ ᱳᱲᱟᱜᱨᱮ
ᱱᱤᱛᱚᱜ ᱤᱧ ᱟᱢ ᱮᱢᱟᱢ ᱞᱟᱹᱜᱤᱫ
ᱩᱨᱜᱩᱢ ᱵᱟᱹᱱᱩᱜᱛᱤᱧᱟᱹ
ᱟᱢ ᱵᱟᱹᱱᱩᱢᱛᱮ
ᱤᱧ ᱦᱚᱸ ᱩᱨᱜᱩᱢᱛᱮᱫ 
ᱵᱟᱹᱧ ᱟᱹᱭᱠᱟᱹᱣ ᱧᱟᱢᱮᱫᱟ
ᱳᱱᱟ ᱤᱭᱟᱹᱛᱮᱹᱧ ᱛᱷᱟᱨ ᱛᱷᱟᱨᱟᱣᱜᱠᱟᱱᱟ᱾

ᱥᱮᱛᱳᱝ ᱫᱤᱱ ᱥᱮᱴᱮᱨᱮᱱᱟ
ᱞᱚᱞᱚ ᱦᱚᱭᱠᱳ
ᱟᱨ ᱫᱷᱩᱲᱤ ᱯᱮᱨᱮᱡ ᱵᱤᱨᱵᱟᱶᱨᱮ
ᱵᱟᱹᱭ ᱵᱟᱹᱭᱛᱮ
ᱠᱩᱧ ᱫᱟᱜᱛᱮ ᱵᱮᱱᱟᱣ ᱳᱲᱟᱜ 
ᱪᱷᱟᱜᱰᱟᱣᱜ ᱫᱷᱩᱨᱟᱹᱣᱮᱱᱟ
ᱟᱨᱮ ᱯᱟᱥᱱᱟᱣᱠᱮᱫᱟ
ᱦᱟᱱᱛᱮ ᱱᱷᱟᱛᱮ ᱳᱲᱟᱜ ᱥᱟᱹᱲᱤᱢ
ᱤᱧᱟᱜ ᱵᱚᱦᱚᱜ ᱪᱮᱛᱟᱱ
ᱯᱮᱨᱮᱡᱼᱮᱱᱟ ᱫᱷᱩᱲᱤ ᱳᱱᱟ ᱵᱟᱛᱟᱠᱳ ᱛᱟᱞᱟᱨᱮ᱾

ᱡᱟᱹᱯᱩᱫ ᱪᱟᱱᱫᱳᱨᱮ
ᱛᱤᱱᱨᱮ ᱰᱟᱵᱽᱨᱟᱹᱜ ᱤᱧ ᱮᱦᱚᱵᱠᱮᱫᱟ
ᱳᱠᱟ ᱠᱷᱚᱱ ᱪᱚᱝ ᱳᱴᱟᱝ ᱦᱮᱡᱼᱮᱱᱟ
ᱢᱤᱫᱴᱮᱱ ᱫᱟᱨᱮ ᱡᱟᱝ ᱤᱛᱟᱹ
ᱡᱟᱱᱟᱢᱠᱟᱛᱮ ᱦᱟᱹᱲᱩᱵᱠᱮᱫᱮᱧᱟ
ᱪᱷᱤᱧᱪᱷᱟᱹᱛᱩᱨᱳᱜ ᱠᱷᱚᱱᱮ ᱳᱴᱠᱟᱣᱠᱮᱫᱮᱧᱟ᱾

ᱢᱮᱱᱠᱷᱟᱱ ᱱᱳᱣᱟ ᱦᱚᱸ ᱛᱤᱱᱟᱹᱜ ᱫᱤᱱ ᱦᱟᱹᱵᱤᱡᱼᱮ ᱴᱟᱨᱦᱟᱣ ᱫᱟᱲᱮᱣᱟᱹᱧᱟᱹ
ᱡᱟᱹᱯᱩᱫ ᱯᱟᱨᱚᱢᱮᱱᱟ
ᱳᱱᱟ ᱦᱚᱸ ᱨᱚᱦᱚᱲᱮᱱᱟ
ᱤᱱᱟᱹᱠᱟᱛᱮ ᱨᱟᱵᱟᱝ ᱥᱮᱴᱮᱨᱮᱱᱟ
ᱱᱤᱨᱚᱱ ᱦᱚᱸ ᱥᱮᱴᱮᱨᱮᱱᱟ
ᱢᱮᱱᱠᱷᱟᱱ ᱱᱤᱛᱚᱜ ᱤᱧᱨᱮ
ᱥᱟᱦᱚᱥ ᱵᱟᱝ ᱛᱟᱦᱮᱸᱠᱟᱱᱟ
ᱟᱨᱤᱧ ᱫᱷᱟᱝᱫᱷᱟᱥᱮᱨᱮᱱᱟ
ᱱᱤᱭᱟᱹ ᱫᱷᱚᱢᱟᱜ ᱥᱮᱛᱳᱝᱨᱮ
ᱳᱴᱟᱝᱮᱱᱟ ᱥᱟᱹᱲᱤᱢ ᱥᱮᱱᱮᱨ
ᱟᱨᱤᱧ ᱵᱷᱤᱱᱫᱟᱹᱲᱮᱱᱟ᱾

ᱱᱤᱛᱚᱜ ᱤᱧ ᱦᱚᱸᱧ ᱠᱚᱭᱚᱜ ᱦᱚᱨᱮᱫᱠᱟᱱᱟ
ᱟᱨ ᱦᱚᱸ ᱡᱟᱹᱯᱩᱫ ᱨᱮᱭᱟᱜ
ᱡᱮᱢᱚᱱᱮ ᱵᱷᱤᱱᱫᱟᱹᱲ ᱜᱳᱫᱠᱟᱜ
ᱫᱮᱹᱣᱟᱞ ᱵᱷᱤᱛᱠᱳ
ᱟᱨᱤᱧ ᱢᱤᱞᱟᱹᱣ ᱩᱛᱟᱹᱨᱳᱜ
ᱟᱨ ᱦᱚᱸ ᱱᱳᱣᱟ ᱦᱟᱥᱟ ᱫᱷᱩᱲᱤᱨᱮ᱾

ᱤᱧ ᱫᱚ ᱫᱟᱹᱥᱩᱲᱳᱜᱠᱟᱱ ᱦᱟᱥᱟ ᱳᱲᱟᱜ ᱠᱟᱱᱟᱹᱧ

:==========:

ᱰᱨ. ᱥᱟᱨᱫᱟᱨ ᱢᱤᱱᱟᱣᱟᱜ ᱚᱱᱚᱬᱦᱮᱸ "ᱢᱮᱸᱭ ᱰᱷᱟᱦᱛᱟ ᱦᱩᱣᱟ ᱜᱷᱟᱨ ᱦᱩᱸ" ᱨᱮᱭᱟᱜ ᱥᱟᱱᱛᱟᱞᱤ ᱛᱚᱨᱡᱚᱢᱟ 

ᱚᱞ ᱟᱨ ᱥᱟᱯᱲᱟᱣᱤᱭᱟᱹ - ᱡᱟᱦᱮᱨ ᱚᱲᱟᱜ