 |
| ᱦᱚᱲ ᱦᱚᱯᱚᱱᱟᱜ ᱥᱮᱫᱟᱭ ᱡᱩᱜᱽ ᱨᱮᱭᱟᱜ ᱥᱟᱜᱟᱲ |
ᱥᱟᱜᱟᱲ ᱫᱚ ᱮᱠᱮᱱ ᱵᱟᱨᱮᱭᱟ ᱠᱟᱴ ᱨᱮᱭᱟᱜ ᱪᱟᱠᱟ ᱥᱩᱢᱩᱝ ᱫᱚ ᱵᱟᱝᱠᱟᱱᱟ ᱵᱤᱪᱠᱳᱢ ᱱᱳᱣᱟ ᱫᱚ ᱢᱟᱱᱣᱟ ᱥᱚᱦᱵᱚᱛ ᱞᱟᱜᱟ ᱞᱟᱦᱟᱭ ᱨᱮᱭᱟᱜ ᱢᱟᱨᱟᱝ ᱥᱟᱯᱟᱵᱠᱟᱱᱟ᱾ ᱢᱟᱱᱣᱟ ᱦᱚᱯᱚᱱᱠᱳ ᱫᱚ ᱛᱤᱥ ᱠᱷᱚᱱ ᱱᱳᱣᱟᱠᱳ ᱥᱤᱨᱡᱟᱹᱣᱠᱮᱫᱟ ᱟᱠᱳᱣᱟᱜ ᱥᱚᱦᱵᱚᱛ ᱦᱚᱸ ᱱᱳᱣᱟ ᱨᱮᱭᱟᱜ ᱪᱟᱠᱟ ᱞᱮᱠᱟ ᱞᱟᱦᱟ ᱪᱟᱞᱟᱣᱟᱠᱟᱱ ᱛᱟᱠᱳᱣᱟ᱾ ᱡᱩᱜᱽ ᱵᱚᱫᱚᱞᱚᱜ ᱥᱟᱶᱛᱮ ᱢᱟᱱᱣᱟᱠᱳᱣᱟᱜ ᱦᱩᱫᱤᱥ ᱫᱟᱲᱮ ᱦᱚᱸ ᱰᱷᱮᱨ ᱤᱫᱤᱭᱮᱱ ᱛᱟᱠᱳᱣᱟ ᱟᱨ ᱱᱟᱶᱟᱸ ᱡᱤᱱᱤᱥ ᱱᱳᱣᱟ ᱪᱟᱠᱟ ᱧᱮᱞᱠᱟᱛᱮᱜᱮᱠᱳ ᱥᱤᱨᱡᱟᱹᱣ ᱤᱫᱤᱠᱮᱫᱟ᱾
ᱢᱟᱱᱣᱟ ᱥᱚᱦᱵᱚᱛ ᱦᱟᱨᱟ ᱨᱟᱠᱟᱵᱽ ᱟᱨ ᱵᱚᱱᱚᱫᱚᱞᱨᱮ ᱱᱳᱣᱟ ᱥᱟᱜᱟᱲ ᱨᱮᱭᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ᱾ ᱛᱮᱦᱮᱧ ᱫᱚ ᱢᱤᱥᱤᱱᱛᱮᱛᱮ ᱟᱹᱰᱤ ᱛᱟᱹᱯᱤᱥ ᱪᱟᱞᱟᱜ ᱜᱟᱹᱰᱤᱠᱳ ᱵᱮᱱᱟᱣᱮᱱᱟ, ᱮᱱᱛᱮᱨᱮ ᱦᱚᱸ ᱱᱤᱛ ᱱᱳᱣᱟ ᱠᱟᱴ ᱠᱷᱚᱱ ᱢᱮᱬᱦᱮᱸᱫ ᱪᱟᱠᱟᱨᱮ ᱵᱚᱫᱚᱞᱟᱠᱟᱱ ᱥᱟᱜᱟᱲ ᱫᱚ ᱟᱛᱳ ᱥᱳᱢᱟᱡᱽᱨᱮ ᱵᱮᱣᱦᱟᱨᱨᱮᱜᱮ ᱢᱮᱱᱟᱜᱼᱟ ᱟᱨ ᱥᱳᱢᱟᱡᱽ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱩᱛᱱᱟᱹᱣᱨᱮ ᱟᱹᱰᱤ ᱢᱟᱨᱟᱝ ᱜᱚᱲᱳᱭᱮ ᱮᱢᱚᱜ ᱠᱟᱱᱟ᱾
