ᱟᱢᱨᱮ ᱢᱚᱱᱮᱛᱤᱧ
 |
| ᱥᱟᱱᱛᱟᱞᱤ ᱚᱱᱚᱬᱦᱮᱸ ᱨᱚᱢᱚᱡᱽ ᱟᱹᱭᱠᱟᱣ |
*
ᱟᱢᱨᱮ ᱢᱚᱱᱮᱛᱤᱧ
ᱥᱟᱝ ᱱᱟᱹᱬᱤᱸ ᱞᱮᱠᱟ
ᱵᱟᱱᱫᱚ ᱱᱟᱹᱬᱤᱸ ᱞᱮᱠᱟ
ᱟᱞᱟᱠᱡᱟᱹᱬᱤᱸ ᱱᱟᱹᱬᱤᱸ ᱞᱮᱠᱟ
ᱛᱚᱞᱟᱠᱟᱱ ᱛᱚᱯᱚᱞᱟᱠᱟᱱ
ᱵᱮᱫᱷᱟᱣᱟᱠᱟᱱ ᱜᱩᱲᱪᱷᱤᱭᱟᱠᱟᱱ᱾
ᱟᱢᱨᱮ ᱢᱚᱱᱮᱛᱤᱧ
ᱞᱟᱲ ᱢᱟᱞᱟ ᱞᱮᱠᱟ
ᱡᱷᱤᱱ ᱥᱟᱹᱞᱟᱠ ᱞᱮᱠᱟ
ᱵᱟᱡᱽ ᱢᱩᱱᱫᱟᱹᱢ ᱞᱮᱠᱟ
ᱵᱟᱜᱼᱟᱠᱟᱱ ᱵᱟᱹᱠᱩᱵᱼᱟᱠᱟᱱ
ᱵᱟᱡᱟᱠᱟᱱ ᱢᱮᱲᱦᱟᱣᱟᱠᱟᱱ᱾
ᱟᱢᱨᱮ ᱢᱚᱱᱮᱛᱤᱧ
ᱞᱩᱢᱟᱹᱝ ᱛᱮᱡᱳ ᱞᱮᱠᱟ
ᱵᱤᱱᱫᱤ ᱜᱟᱱᱟᱜ ᱞᱮᱠᱟ
ᱢᱮᱬᱦᱮᱸᱫ ᱥᱤᱠᱲᱤ ᱞᱮᱠᱟ
ᱨᱮᱫᱼᱟᱠᱟᱱ ᱨᱮᱯᱮᱫᱼᱟᱠᱟᱱ
ᱜᱟᱜᱼᱟᱠᱟᱱ ᱜᱟᱵᱟᱱᱟᱠᱟᱱ᱾
ᱟᱢᱨᱮ ᱢᱚᱱᱮᱛᱤᱧ
ᱠᱩᱬᱤᱸᱫ ᱨᱟᱢᱟ ᱞᱮᱠᱟ
ᱠᱷᱤᱡᱩᱨ ᱡᱟᱹᱱᱩᱢ ᱞᱮᱠᱟ
ᱵᱤᱫᱼᱟᱠᱟᱱ ᱠᱤᱲᱵᱤᱫᱼᱟᱠᱟᱱ
ᱨᱟᱢᱯᱷᱟ ᱡᱷᱟᱢᱯᱟᱣᱟᱠᱟᱱ᱾
ᱟᱢᱨᱮ ᱢᱚᱱᱮᱛᱤᱧ
ᱞᱩᱛᱤ ᱛᱮᱨᱚᱢᱠᱳ ᱞᱮᱠᱟ
ᱠᱳᱝᱠᱟ ᱨᱤᱢᱤᱞ ᱞᱮᱠᱟ
ᱟᱹᱛᱩᱜᱢᱟ ᱫᱟᱜ ᱞᱮᱠᱟ
ᱚᱨᱟᱠᱟᱱ ᱟᱹᱣᱤᱞᱟᱠᱟᱱ
ᱢᱟᱹᱞᱩᱝᱟᱠᱟᱱ ᱢᱩᱦᱱᱤᱭᱟᱠᱟᱱ᱾
ᱟᱢᱨᱮ ᱢᱚᱱᱮᱛᱤᱧ
ᱯᱟᱹᱦᱤᱞ ᱨᱚᱲ ᱠᱷᱚᱱᱟᱜ
ᱯᱟᱹᱦᱤᱞ ᱧᱟᱯᱟᱢ ᱠᱷᱚᱱᱟᱜ
ᱵᱩᱞᱟᱠᱟᱱ ᱵᱩᱞᱟᱹᱣᱟᱠᱟᱱ
ᱟᱫᱼᱟᱠᱟᱱ ᱟᱫᱤᱥᱟᱹᱣᱟᱠᱟᱱ
ᱩᱱᱩᱢᱟᱠᱟᱱ ᱟᱝᱜᱮᱱᱟᱠᱟᱱ᱾
==᱾᱾᱾᱾᱾᱾᱾᱾᱾᱾᱾᱾᱾᱾᱾==
