ᱟᱞᱮ ᱫᱚ ᱵᱟᱞᱮ ᱚᱬᱦᱮᱸᱭᱟ

 

ᱚᱱᱚᱬᱦᱮᱸ - ᱟᱞᱮ ᱫᱚ ᱵᱟᱞᱮ ᱚᱬᱦᱮᱸᱭᱟ 

ᱟᱞᱮ ᱫᱚ ᱵᱟᱞᱮ ᱚᱬᱦᱮᱸᱭᱟ
ᱟᱞᱮᱭᱟᱜ ᱠᱟᱛᱷᱟᱞᱮ ᱞᱟᱹᱭᱟ
ᱪᱮᱫ ᱞᱮᱠᱟ ᱢᱮᱱᱮᱫᱟᱭ ᱫᱷᱟᱹᱨᱛᱤ
ᱥᱤᱨᱹᱟ ᱞᱟᱯᱷᱟᱝ, ᱵᱩᱨᱩ, ᱜᱟᱰᱟᱠᱳ
ᱪᱮᱫ ᱞᱮᱠᱟᱭ ᱢᱮᱱᱮᱫᱠᱟᱱᱟ ᱵᱟᱹᱨᱩ ᱨᱮᱭᱟᱜ ᱡᱚ
ᱢᱟᱛᱠᱚᱢ ᱵᱟᱦᱟ, ᱥᱚ ᱵᱮᱞᱮ ᱨᱮᱭᱟᱜ ᱵᱟᱥ
ᱠᱟᱱᱴᱷᱟᱲ ᱨᱮᱭᱟᱜ ᱦᱮᱱᱮᱲᱮᱢ
ᱱᱷᱮᱜᱼᱮ ᱱᱤᱛᱜᱮ ᱡᱟᱱᱟᱢᱟᱠᱟᱱ ᱡᱤᱣ
ᱟᱨ ᱵᱤᱨ ᱨᱮᱭᱟᱜ ᱥᱟᱸᱭ ᱥᱟᱶᱚᱜᱠᱟᱱ ᱦᱚᱭ᱾

ᱟᱞᱮ ᱫᱚ ᱵᱟᱞᱮ ᱥᱮᱹᱨᱹᱧᱟ
ᱠᱤᱥᱱᱤ ᱞᱮᱠᱟᱞᱮ ᱪᱮᱨᱚ ᱵᱮᱨᱚᱜᱼᱟ
ᱵᱷᱤᱰᱤ ᱞᱮᱠᱟᱞᱮ ᱵᱷᱮ ᱵᱷᱮᱜᱼᱟ
ᱨᱚᱴᱮ ᱞᱮᱠᱟᱞᱮ ᱴᱚᱨᱚᱴᱚᱨᱚᱜᱼᱟ
ᱫᱟᱜ ᱡᱟᱹᱲᱤ ᱞᱮᱠᱟ
ᱵᱟᱹᱭᱼᱵᱟᱹᱭᱛᱮ ᱟᱭᱢᱟ ᱪᱟᱱᱫᱳᱞᱮ ᱵᱷᱟᱱᱵᱷᱟᱱᱟᱜ
ᱟᱨ ᱦᱟᱹᱛᱤ ᱢᱟᱹᱢᱩ ᱞᱮᱠᱟ
ᱮᱠᱮᱱ ᱢᱤᱫᱼᱵᱟᱨ ᱠᱟᱹᱞᱤᱞᱮ ᱨᱚᱲᱟ᱾

ᱟᱞᱮᱭᱟᱜ ᱚᱱᱚᱬᱦᱮᱸᱠᱳ ᱟᱨ ᱥᱮᱹᱨᱮᱹᱧ ᱫᱚ
ᱥᱮᱛᱳᱝ ᱞᱮᱠᱟᱱᱟ
ᱚᱱᱮ ᱳᱱᱟ ᱨᱮᱭᱟᱜ ᱨᱩᱯᱼᱦᱩᱥᱱᱟᱹᱜ 
ᱡᱟᱸᱦᱟᱸᱱ ᱥᱟᱥᱛᱚᱨ ᱵᱟᱜᱰᱟᱭᱤᱡ ᱫᱚ ᱵᱟᱝ
ᱥᱤᱨᱡᱚᱱ ᱨᱮᱭᱟᱜ ᱢᱟᱨᱟᱝ ᱩᱢᱩᱞ

ᱥᱟᱶᱟᱸᱨᱮᱫᱼᱟᱭ ᱟᱨᱮ ᱚᱱᱢᱟᱱᱮᱫᱠᱟᱱᱟ᱾

ᱚᱱᱚᱬᱦᱮᱸ - ᱣᱟᱸᱫᱽᱱᱟ ᱴᱮ

ᱥᱟᱱᱛᱟᱞᱤ (ᱚᱞ ᱪᱤᱠᱤ) ᱛᱚᱨᱡᱚᱢᱟ ᱡᱟᱦᱮᱨ ᱚᱲᱟᱜ