 |
| ᱟᱹᱰᱤ ᱫᱩᱞᱟᱹᱲ ᱵᱟᱨᱮᱹᱧᱛᱤᱧ |
ᱛᱮᱹᱦᱮᱹᱧ ᱫᱤᱱᱮᱢ ᱮᱢᱟᱫᱤᱧᱛᱮ
ᱥᱚᱫᱚᱨ ᱞᱮᱫᱟᱢ ᱟᱢᱟᱜ ᱦᱮᱲᱟᱱ ᱢᱟᱸᱭᱟᱸ
ᱫᱷᱩᱲᱤ ᱫᱷᱟᱹᱨᱛᱤᱨᱮ ᱵᱳᱭᱦᱟᱛᱤᱧᱮ ᱦᱮᱡᱞᱮᱱᱨᱮ᱾
ᱵᱟᱵᱟ ᱟᱨ ᱫᱟᱫᱟ ᱫᱤᱫᱤ ᱠᱩᱥᱤᱛᱮ ᱵᱮᱠᱟᱹᱵᱩ
ᱜᱚᱜᱚ ᱦᱚᱸ ᱪᱚᱝ ᱮᱠᱟᱞ ᱠᱟᱵᱟ ᱠᱩᱵᱩ
ᱵᱟᱪᱚᱭ ᱞᱟᱝᱜᱟᱞᱮᱱ ᱱᱤᱢᱫᱟᱜ ᱢᱟᱹᱱᱰᱤ ᱰᱟᱹᱵᱩ᱾
ᱵᱟᱵᱟ ᱟᱨ ᱦᱚᱯᱚᱱ ᱠᱷᱮᱛᱨᱮ ᱠᱟᱹᱢᱤᱠᱤᱱ ᱡᱷᱟᱵᱟᱨ ᱡᱷᱟᱹᱵᱩᱨ,
ᱱᱚᱛᱮ ᱨᱮᱝᱜᱮᱡᱛᱮᱢ ᱨᱟᱜᱟ ᱢᱮᱸᱫ ᱫᱟᱜ ᱡᱚᱨᱚᱜᱛᱟᱢ ᱦᱤᱰᱤᱨᱼᱦᱤᱰᱤᱨ,
ᱤᱧᱢᱟ ᱞᱤᱪᱟᱹᱲ ᱦᱚᱲᱢᱚ ᱮᱠᱮᱱᱤᱧ ᱠᱚᱭᱚᱜᱠᱟᱢ ᱴᱩᱠᱩᱲᱼᱛᱩᱠᱩᱨ᱾
ᱛᱟᱲᱟᱢ ᱞᱟᱹᱜᱤᱫ ᱵᱷᱤᱱᱫᱟᱹᱲ ᱞᱮᱱᱮᱢ ᱵᱟᱲᱫᱟᱥ,
ᱟᱲᱟᱝ ᱟᱧᱡᱚᱢ ᱞᱟᱹᱜᱤᱫ ᱟᱞᱮ ᱡᱚᱛᱚ ᱟᱹᱰᱤ ᱟᱥ,
ᱞᱟᱹᱴᱩᱠᱟᱛᱮ ᱵᱮᱱᱟᱣᱮᱱᱟᱢ ᱟᱹᱰᱤ ᱵᱟᱫᱽᱢᱟᱥ᱾
ᱛᱟᱲᱟᱢ ᱡᱚᱠᱷᱮᱡ ᱛᱚᱦᱚᱫ ᱞᱮᱱᱟᱢ ᱠᱟᱹᱴᱩᱵ ᱥᱟᱱᱟᱢ ᱪᱚᱴᱼᱪᱚᱴ
ᱟᱧᱡᱚᱢ ᱟᱢᱟᱜ ᱠᱟᱛᱷᱟ ᱞᱟᱱᱫᱟᱛᱮ ᱡᱚᱛᱚ ᱞᱚᱴ ᱯᱚᱴ,
ᱨᱚᱲᱮᱫ ᱛᱟᱦᱮᱸᱱᱟᱢ ᱮᱲᱮ ᱮᱠᱟᱞ ᱪᱷᱚᱴᱼᱪᱷᱚᱴ᱾
ᱵᱟᱵᱟ ᱦᱚᱯᱚᱱ ᱟᱹᱭᱠᱟᱹᱣᱠᱮᱫᱠᱤᱱ ᱠᱳᱲᱟᱢ ᱳᱥᱟᱨ,
ᱟᱞᱳᱢ ᱦᱳᱭᱳᱜ ᱡᱮᱢᱚᱱ ᱠᱩᱲᱦᱤᱭᱟᱹ, ᱵᱷᱟᱹᱝᱜᱩᱣᱟᱹ, ᱵᱮᱠᱟᱨ,
ᱪᱮᱫᱼᱟᱜᱢᱮᱠᱤᱱ ᱠᱷᱟᱴᱟᱣᱜ ᱪᱟᱥ ᱵᱟᱛᱟᱨ᱾
ᱳᱱᱟ ᱞᱟᱹᱜᱤᱫ ᱟᱢᱟᱜ ᱱᱮᱱᱰᱟ ᱟᱹᱣᱲᱤᱭᱟᱜ,
ᱛᱤᱥ ᱦᱚᱸ ᱵᱟᱝ ᱨᱩᱣᱟᱹᱲ ᱚᱠᱛᱮ ᱯᱟᱨᱚᱢᱟᱜ,
ᱟᱹᱰᱤ ᱢᱤᱪᱷᱟᱹᱜᱮᱭᱟ ᱛᱟᱭᱚᱢ ᱠᱟᱥᱛᱟᱣᱜ,
ᱳᱱᱟᱛᱮ ᱨᱤᱠᱤᱲ ᱢᱚᱱᱛᱮ ᱛᱟᱦᱮᱱᱢᱮ ᱯᱟᱨᱦᱟᱣᱜ,
ᱡᱮᱢᱚᱱ ᱟᱞᱳᱢ ᱛᱟᱦᱮᱱ ᱛᱟᱭᱚᱢ ᱰᱷᱟᱝ ᱵᱟᱹᱠᱩᱵ᱾
ᱤᱧᱤᱧ ᱵᱷᱩᱞᱨᱮ ᱟᱢᱜᱮ ᱟᱹᱭᱩᱨᱤᱡᱛᱤᱧ,
ᱤᱧ ᱞᱟᱡᱟᱣ ᱯᱟᱲᱟᱣᱜᱨᱮ ᱟᱢᱜᱮ ᱳᱨᱣᱟᱞᱛᱤᱧ,
ᱤᱧᱟᱜ ᱫᱩᱠᱨᱮ ᱟᱢᱜᱮ ᱞᱟᱱᱫᱟᱛᱤᱧ
ᱤᱧ ᱠᱤᱱᱰᱟᱹ ᱢᱟᱱᱰᱮᱜᱨᱮ ᱟᱢᱜᱮ ᱴᱷᱮᱝᱜᱟᱛᱤᱧ,
ᱠᱟᱹᱴᱤᱡᱨᱮ ᱦᱚᱸᱭᱮᱢ ᱟᱢᱜᱮ ᱫᱟᱫᱟᱛᱤᱧ᱾
ᱵᱟᱨᱮᱧ ᱢᱮᱱᱟᱭᱛᱤᱧ ᱟᱹᱰᱤ ᱫᱩᱞᱟᱹᱲ,
ᱫᱚᱦᱚᱠᱟᱭᱢᱮ ᱪᱟᱱᱫᱳ ᱫᱩᱠ ᱠᱷᱚᱱ ᱥᱟᱦᱟᱲ
ᱯᱩᱨᱟᱹᱣᱠᱟᱛᱟᱭᱢᱮ ᱠᱩᱠᱢᱩ ᱚᱱᱮ ᱟᱹᱰᱤ ᱨᱳᱥᱟᱲ᱾
ᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹ
ᱤᱧ ᱫᱚ ᱟᱢᱨᱮᱱ ᱫᱩᱞᱟᱹᱲᱤᱭᱟᱹ ᱫᱤᱫᱤ
ᱰᱮᱫ ᱢᱟᱹᱠᱩ
᱑᱘ᱹ᱐᱘ᱹ᱒᱐᱐᱖
ᱛᱩᱢᱟᱹᱞᱼ ᱱᱳᱣᱟ ᱚᱱᱚᱬᱦᱮᱸ ᱫᱚ ᱯᱟᱠᱩᱲᱨᱮ ᱢᱮᱱᱟᱜ ᱟᱹᱣᱹ ᱵᱳᱭᱡᱽ ᱠᱳᱞᱮᱡᱽ ᱦᱳᱥᱴᱟᱹᱞ ᱱᱳᱼ ᱐᱔, ᱨᱮᱭᱟᱜ ᱢᱤᱫᱴᱮᱱ ᱳᱰᱳᱠ ᱜᱤᱰᱤ ᱢᱟᱨᱮ ᱵᱟᱠᱥᱟ ᱠᱷᱚᱱ ᱛᱩᱢᱟᱹᱞ ᱧᱟᱢᱟᱜ ᱱᱳᱣᱟ ᱚᱱᱚᱬᱦᱮᱸ ᱫᱚ ᱛᱟᱹᱨᱤᱠᱜᱮ ᱑᱘ᱹ᱐᱘ᱹ᱒᱐᱐᱖ ᱥᱟᱞᱨᱮ ᱰᱮᱫ ᱢᱟᱹᱠᱩ ᱧᱩᱛᱩᱢᱟᱱ ᱢᱤᱫᱴᱮᱱ ᱠᱩᱲᱤ ᱦᱚᱛᱮᱛᱮ ᱚᱞᱟᱠᱟᱱᱟᱹ ᱱᱩᱭ ᱫᱚᱭ ᱳᱠᱟᱨᱮᱱᱠᱟᱱᱟ ᱵᱟᱝ ᱵᱩᱡᱽ ᱫᱟᱲᱮᱭᱟᱠᱟᱱᱟ᱾ ᱟᱥᱚᱞ ᱧᱩᱛᱩᱢ ᱟᱨ ᱴᱷᱤᱠᱟᱹᱱᱟ ᱚᱞ ᱛᱟᱦᱮᱱᱛᱟᱭ ᱠᱷᱟᱱ ᱫᱚᱧ ᱵᱩᱡᱽ ᱫᱟᱲᱮᱠᱮᱭᱟᱹ ᱩᱱᱤᱭᱟᱜ ᱚᱱᱚᱬᱦᱮᱸ ᱫᱚ ᱟᱹᱰᱤ ᱢᱚᱸᱧᱡᱽᱜᱮᱛᱟᱭᱟ ᱟᱨ ᱥᱟᱵᱟᱫᱽ ᱥᱟᱡᱟᱣ ᱦᱚᱸ ᱟᱹᱰᱤ ᱥᱚᱨᱚᱥᱜᱮᱛᱟᱭᱟᱹ ᱚᱱᱚᱬᱦᱮᱸ ᱦᱚᱛᱮᱛᱮ ᱩᱱᱤ ᱫᱚ ᱟᱡᱨᱮᱱ ᱵᱟᱨᱮᱛᱛᱮᱫ ᱞᱟᱹᱜᱤᱫ ᱟᱹᱰᱤ ᱟᱭᱢᱟ ᱫᱩᱞᱟᱹᱲ ᱱᱟᱱᱟ ᱦᱩᱱᱟᱹᱨ ᱢᱚᱸᱧᱡᱽ ᱢᱚᱸᱧᱡᱽ ᱠᱟᱛᱷᱟᱛᱮᱭ ᱜᱟᱞᱟᱝ ᱜᱟᱵᱟᱱᱟᱠᱟᱫᱟᱹ ᱚᱱᱚᱬᱦᱮᱸ ᱨᱮᱭᱟᱜ ᱢᱩᱪᱟᱹᱫ ᱵᱟᱨ ᱠᱟᱹᱞᱤ ᱢᱮᱛᱟᱜᱢᱮ ᱗,᱘ ᱟᱨ ᱙ᱨᱮ ᱩᱱᱤ ᱫᱚ ᱟᱹᱰᱤ ᱫᱟᱢᱟᱱ ᱠᱟᱛᱷᱟᱠᱳᱜᱮᱭ ᱞᱟᱹᱭ ᱥᱚᱫᱚᱨᱟᱠᱟᱫᱟᱹ ᱚᱱᱚᱬᱦᱮᱸ ᱯᱟᱲᱦᱟᱣᱛᱮᱜᱮ ᱵᱩᱡᱷᱟᱹᱣᱳᱜᱠᱟᱱᱟ ᱡᱮ ᱩᱱᱤ ᱫᱚ ᱥᱟᱵᱟᱫᱽ ᱠᱩᱱᱫᱟᱹᱣ ᱟᱹᱰᱤᱜᱮᱭ ᱵᱟᱰᱟᱭᱟᱹ ᱟᱡᱼᱟᱜ ᱚᱱᱚᱬᱦᱮᱸ ᱜᱟᱞᱟᱝ ᱨᱮᱭᱟᱜ ᱪᱟᱦᱤᱨᱹᱫᱚ ᱟᱹᱰᱤ ᱛᱟᱹᱯᱤᱥᱛᱮᱭ ᱥᱚᱫᱚᱨᱟᱠᱟᱫᱟᱹ ᱯᱟᱥᱮᱡ ᱱᱳᱝᱠᱟᱜᱮ ᱩᱱᱤ ᱳᱞᱟᱜ ᱟᱭᱢᱟ ᱚᱱᱚᱬᱦᱮᱸᱠᱳ ᱦᱤᱨᱤᱡ ᱯᱟᱹᱥᱤᱨ ᱦᱟᱱᱛᱮ ᱱᱷᱟᱛᱮ ᱟᱫᱨᱮᱜᱮ ᱢᱮᱱᱟᱜᱛᱟᱭᱟᱹ ᱫᱩᱠ ᱨᱮᱭᱟᱜ ᱠᱟᱛᱷᱟ ᱫᱚ ᱱᱳᱣᱟᱜᱮ ᱡᱮ ᱩᱱᱤ ᱫᱚ ᱱᱤᱛᱚᱜ ᱵᱮ ᱵᱟᱰᱟᱭᱜᱮ ᱢᱮᱱᱟᱭᱟᱹ ᱳᱠᱟ ᱥᱮᱡ ᱪᱚ?, ᱳᱠᱟᱨᱮ ᱪᱚ? ᱵᱮ ᱵᱩᱡᱽᱜᱮ ᱱᱳᱣᱟ ᱥᱟᱶᱦᱮᱸᱫ ᱥᱳᱝᱥᱟᱨ ᱠᱷᱚᱱ ᱥᱟᱹᱝᱜᱤᱧᱹᱹᱹ
==᱿᱿᱿᱿᱿᱿᱿᱿==
