ᱵᱩᱨᱩ ᱡᱷᱟᱨᱱᱟ बुरु झारना Buru Jharna

                ᱵᱩᱨᱩ ᱡᱷᱟᱨᱱᱟ

            

ᱵᱩᱨᱩ ᱡᱷᱟᱨᱱᱟ! ᱟᱢ ᱫᱤᱱᱮᱢ ᱡᱷᱟᱨᱱᱟᱜ!
ᱛᱤᱨᱮᱢ ᱛᱷᱤᱨᱚᱜ ᱛᱮᱫᱚᱢ ᱞᱟᱸᱜᱟᱢ ᱯᱷᱟᱨᱱᱟᱜ?
ᱢᱤᱫ ᱨᱚᱜᱚᱲ ᱟᱢ ᱡᱷᱤᱨᱤ- ᱡᱷᱤᱨᱤ,
ᱢᱟᱱᱟᱣ ᱟᱫᱮᱭᱟᱢ ᱪᱟᱸᱫᱚ ᱟᱹᱨᱤ᱾

        ᱵᱩᱨᱩ ᱡᱷᱟᱨᱱᱟ! ᱟᱢ ᱫᱤᱱᱮᱢ ᱡᱷᱟᱨᱱᱟᱜ!
        ᱱᱟᱫᱤᱣᱟᱜ ᱨᱩᱯᱛᱮ ᱟᱢ ᱫᱤᱱᱮᱢ ᱯᱷᱟᱨᱱᱟᱜ᱾
        ᱡᱤᱣᱟᱹᱠᱚᱣᱟᱜ ᱡᱤᱣᱤ ᱨᱮᱭᱟᱲ ᱠᱟᱛᱮ,
        ᱟᱬᱜᱚ ᱪᱟᱞᱟᱜ ᱟᱢ ᱮᱱᱮᱢ ᱠᱟᱛᱮ᱾

ᱵᱩᱨᱩ ᱡᱷᱟᱨᱱᱟ! ᱟᱢ ᱫᱤᱱᱮᱢ ᱡᱷᱟᱨᱱᱟᱜ!
ᱫᱷᱤᱨᱤ-ᱠᱩᱪᱟᱹᱞ ᱨᱮᱢ 'ᱱᱟᱱᱟ ᱛᱟᱨᱱᱟᱜ'
ᱨᱟᱱ-ᱨᱮᱦᱮᱫ ᱨᱮᱭᱟᱜ ᱥᱚ ᱥᱟᱞᱟᱜ,
ᱦᱚᱞᱟ ᱯᱟᱸᱡᱟᱭᱮᱢ ᱟᱬᱜᱚ ᱪᱟᱞᱟᱜ᱾
  
           ᱵᱩᱨᱩ ᱡᱷᱟᱨᱱᱟ! ᱟᱢ ᱫᱤᱱᱮᱢ ᱡᱷᱟᱨᱱᱟᱜ!
           ᱨᱟᱹᱥᱠᱟ ᱜᱮᱛᱟᱢ ᱜᱟᱛᱮ, ᱵᱟᱝᱮᱢ ᱨᱮᱱᱟᱜ᱾
           ᱵᱩᱨᱩ ᱡᱷᱟᱨᱱᱟ ᱟᱢ ᱡᱩᱜᱽ ᱱᱟᱶᱟ,
           ᱟᱢ ᱞᱮᱠᱟᱱ ᱢᱚᱱᱮ ᱛᱤᱥᱤᱧ ᱧᱟᱢᱟ?
          

   'ᱵᱷᱩᱨᱠᱟᱹᱜ ᱤᱯᱤᱞ' ᱯᱚᱛᱚᱵ ᱠᱷᱚᱱᱟᱜ
    ᱚᱱᱚᱬᱦᱮᱸ ᱯᱩᱛᱷᱤ
    ᱚᱱᱚᱞᱤᱭᱟᱹ= ᱥᱟᱨᱚᱫᱟ ᱯᱨᱟᱥᱟᱫᱽ ᱠᱤᱥᱠᱩ
    Typing editor= Bijendra Hansda
                               ᱵᱤᱡᱮᱱᱫᱨᱟ ᱦᱟᱺᱥᱫᱟ