ᱯᱟᱧᱪᱤᱢ ᱵᱩᱨᱩ Panchim Buru Bijendra Hansda purudhul

                   ᱯᱟᱧᱪᱤᱢ ᱵᱩᱨᱩ
                                  =ᱡᱟᱞᱮᱥᱷᱣᱟᱨ ᱥᱚᱨᱮᱱ

                

                   ᱚᱠᱚᱭ ᱜᱮ ᱵᱟᱝ ᱥᱤᱞᱫᱟ ᱢᱚᱛᱚᱢ ᱜᱷᱟᱲ
                 ᱟᱨ ᱦᱚᱸ ᱚᱠᱚᱭ ᱜᱮ ᱵᱟᱝ ᱛᱩᱝ ᱛᱟᱞᱟᱢᱟᱞᱟ
                          ᱥᱩᱠ ᱛᱮ ᱫᱩᱠ ᱛᱮ ᱞᱟᱹᱭᱡ ᱡᱟᱞᱟ
                               ᱢᱟᱨᱟᱝ ᱵᱩᱨᱩ ᱨᱮᱱ ᱪᱮᱠᱟ᱾

ᱢᱮᱱᱠᱷᱟᱱ ᱢᱮᱱᱟᱜ ᱠᱚᱜᱮ
ᱯᱟᱧᱪᱤᱢ ᱵᱩᱨᱩ ᱠᱚᱭᱚᱜ ᱛᱤᱭᱩᱜ ᱨᱮᱜᱮ
ᱟᱢᱟᱨ ᱫᱟᱜ ᱛᱟᱢᱟᱨ ᱫᱟᱜ ᱧᱟᱞᱟᱜ ᱧᱟᱞᱟᱜ᱾

ᱦᱟᱹᱱᱤ ᱦᱟᱹᱣᱟᱥᱤᱭᱟ ᱠᱩᱲᱤ
ᱚᱠᱚᱭ ᱜᱮ ᱛᱟᱦᱮᱸ ᱠᱟᱱ ᱛᱟᱭᱟ ᱟᱹᱲᱤ
ᱯᱟᱧᱪᱤᱢ ᱵᱩᱨᱩ ᱵᱩᱸᱵᱩᱲᱠᱩᱛ ᱵᱟᱹᱲ ᱡᱟᱺᱦᱟ ᱵᱟᱡᱟᱨ
ᱟᱡ ᱨᱮᱱᱜᱮ ᱡᱩᱨᱤᱛᱤ ᱛᱮ ᱦᱮᱣ ᱦᱚᱵᱚᱨ ᱞᱟᱦᱟ᱾

ᱥᱮ ᱚᱠᱚᱭᱟᱜ ᱡᱩᱨᱤ ᱯᱚᱨᱟᱭᱱᱤ 
ᱡᱩᱨᱤ ᱛᱮ ᱫᱩᱲᱩᱵ ᱠᱚᱜ ᱨᱮ
ᱥᱨᱫᱟᱭ ᱩᱭᱦᱟᱹᱨ ᱛᱮ ᱦᱟᱹᱱᱤ᱾

ᱦᱚᱢᱚᱨ ᱦᱟᱞᱟᱝ ᱞᱟᱜ ᱮ
ᱯᱟᱧᱪᱤᱢ ᱵᱩᱨᱩ ᱪᱚᱴ ᱨᱮᱜᱮ ᱱᱮᱸᱜ ᱮ
ᱟᱹᱱᱠᱟ ᱜᱮ ᱩᱭᱦᱟᱹᱨ ᱟᱫᱚᱜ ᱛᱮ ᱦᱟᱺᱜ
ᱦᱚᱲ ᱟᱫᱚᱜ ᱨᱮ ᱦᱟᱺᱜ, ᱠᱟᱛᱷᱟ ᱱᱟᱜ ᱟ
ᱯᱟᱧᱪᱤᱢ ᱵᱩᱨᱩ ᱴᱷᱮᱱ ᱠᱟᱛᱷᱟ ᱨᱮᱛᱮᱵᱮᱛ ᱛᱷᱟᱨᱮ ᱛᱷᱟᱨᱮ᱾

ᱦᱚᱲ ᱧᱤᱛᱤᱨ 
ᱱᱟᱦᱟᱜ ᱦᱤᱨᱤᱡ ᱯᱟᱹᱥᱤᱨ 
ᱧᱮᱞ ᱟᱹᱛ ᱥᱮᱱ ᱟᱹᱛ ᱦᱚᱨ ᱨᱮ
ᱨᱩᱣᱟᱹᱲᱟᱭ ᱱᱚᱱᱰᱮ᱾

ᱯᱟᱧᱪᱤᱢ ᱵᱩᱨᱩ ᱧᱟᱞᱟᱜ ᱧᱟᱞᱟᱜ ᱥᱟᱨᱮ
ᱫᱟᱢᱩ ᱫᱟᱜ ᱜᱷᱟᱴᱨᱮ
ᱧᱟᱞᱟᱜ ᱧᱟᱞᱟᱜ ᱯᱟᱧᱪᱤᱢ ᱵᱩᱨᱩ ᱠᱟᱨᱦᱟᱨᱮ᱾

                                      ᱹᱹᱹᱹᱹ

ᱥᱟᱱᱛᱟᱲᱤ ᱜᱟᱹᱛᱷᱱᱤ ᱜᱟᱫᱮᱞ https://m.facebook.com/
ᱯᱚᱛᱚᱵ