ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ

                        ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ 

ᱛᱤᱱᱟᱹᱜᱼᱮ ᱥᱟᱦᱟᱣᱮᱫᱼᱟ ᱩᱱᱤ, 

ᱳᱲᱟᱜ ᱨᱮᱭᱟᱜ ᱢᱩᱥᱠᱤᱞᱟᱜ ᱠᱳ ᱮᱥᱠᱟᱨ ᱵᱚᱦᱚᱜ ᱨᱮᱭᱮ ᱫᱤᱯᱤᱞᱮᱫᱼᱟ ᱩᱱᱤ, 
ᱡᱚᱛᱚ ᱞᱮᱠᱟᱱ ᱢᱩᱥᱠᱤᱞᱟᱜ ᱠᱳ ᱟᱯᱱᱟᱨᱨᱮᱜᱮ ᱴᱷᱮᱢᱟᱨᱮᱜᱮᱭ ᱫᱚᱦᱚᱭᱮᱫᱼᱟ, 

ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ ᱚᱠᱚᱭ ᱳᱠᱟᱨᱮᱭᱮ ᱵᱩᱡᱽᱦᱟᱹᱣ ᱫᱟᱲᱮᱭᱟᱜ ᱠᱟᱱᱟ? 

ᱦᱮᱨᱮᱞ ᱪᱮᱛᱟᱱᱨᱮ ᱢᱚᱱᱛᱮᱭᱟᱜ ᱱᱟᱦᱟᱪᱟᱨ ᱚᱠᱚᱭ ᱦᱳᱸ ᱵᱟᱝᱠᱳ ᱧᱮᱞᱮᱫᱼᱟ,
ᱳᱱᱰᱮ ᱡᱩᱫᱤ ᱠᱟᱛᱷᱟ ᱟᱹᱭᱢᱟᱹᱭᱟᱜ ᱦᱤᱡᱩᱜ ᱠᱟᱱᱟ, ᱵᱮᱨᱮᱫᱠᱟᱛᱮ ᱯᱩᱨᱟᱹ ᱥᱳᱢᱟᱡᱽ ᱥᱟᱢᱟᱝᱨᱮᱭᱮ ᱦᱤᱡᱩᱜ ᱠᱟᱱᱟ, 
ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ ᱚᱠᱚᱭ ᱳᱠᱟᱨᱮᱭᱮ ᱵᱩᱡᱽᱦᱟᱹᱣ ᱫᱟᱲᱮᱭᱟᱜ ᱠᱟᱱᱟ?

ᱛᱤᱱᱨᱮ ᱟᱹᱭᱢᱟᱹᱭᱟᱜ ᱠᱟᱛᱷᱟ ᱦᱤᱡᱩᱜ ᱠᱟᱱᱟ, 
ᱦᱟᱡᱟᱨ ᱞᱩᱛᱩᱨ ᱥᱟᱯᱲᱟᱣ ᱛᱟᱦᱮᱱᱠᱟᱱᱟ ᱟᱧᱡᱚᱢ ᱞᱟᱹᱜᱤᱫ,  
ᱦᱮᱨᱮᱞᱟᱜ ᱦᱟᱹᱨᱤ ᱦᱤᱡᱩᱜ ᱠᱟᱱᱨᱮ ᱡᱚᱛᱚᱠᱳ ᱦᱟᱯᱮᱜ ᱠᱟᱱᱟ, 
ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ ᱚᱠᱚᱭ ᱳᱠᱟᱨᱮᱭᱮ ᱵᱩᱡᱽᱦᱟᱹᱣ ᱫᱟᱲᱮᱭᱟᱜ ᱠᱟᱱᱟ?

ᱫᱩᱱᱤᱭᱟᱹ ᱡᱚᱛᱚᱠᱳᱭ ᱢᱮᱛᱟᱠᱳ ᱠᱟᱱᱟ ᱢᱤᱫ ᱦᱮᱨᱮᱞ ᱵᱮᱱᱟᱣᱜ ᱯᱮ,
ᱢᱮᱱᱠᱷᱟᱱ ᱚᱠᱚᱭ ᱦᱳᱸ ᱵᱟᱭ ᱵᱟᱰᱟᱭᱟ ᱫᱟᱲᱮᱭᱟᱱᱨᱮ ᱦᱳᱸ ᱦᱟᱱᱟᱥᱳ ᱳᱠᱳᱠᱟᱛᱮ,  
ᱧᱤᱱᱫᱟᱹ ᱨᱮᱭᱟᱜ ᱧᱩᱛᱟᱹᱛᱨᱮ ᱮᱥᱠᱟᱨ ᱛᱤᱱᱟᱹᱜ ᱢᱮᱸᱫ ᱫᱟᱜᱼᱮ ᱡᱚᱨᱚᱭᱮᱫᱼᱟ,
ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ ᱚᱠᱚᱭ ᱳᱠᱟᱨᱮᱭᱮ ᱵᱩᱡᱽᱦᱟᱹᱣ ᱫᱟᱲᱮᱭᱟᱜ ᱠᱟᱱᱟ? 

ᱦᱚᱲᱠᱳ ᱢᱮᱱᱟ ᱦᱮᱨᱮᱞ ᱫᱚ ᱫᱷᱤᱨᱤ ᱢᱚᱱᱟᱱᱠᱳ ᱠᱟᱱᱟᱠᱳ,
ᱢᱮᱱᱠᱷᱟᱱ ᱵᱟᱰᱟᱭᱟᱢ ᱳᱱᱟ ᱦᱳᱸ ᱫᱩᱞᱟᱹᱲᱛᱮ ᱯᱟᱴᱟᱱ ᱦᱳᱭᱳᱜ ᱠᱟᱱᱟ,

ᱩᱱᱤ ᱫᱚ ᱡᱚᱛᱚ ᱦᱚᱲᱟᱜ ᱟᱥ ᱯᱩᱨᱟᱹᱣᱨᱮᱭᱮ ᱫᱷᱩᱨᱟᱹᱣᱜ ᱠᱟᱱᱟ,

ᱢᱤᱫ ᱦᱮᱨᱮᱞᱟᱜ ᱦᱟᱱᱟᱥᱳ ᱚᱠᱚᱭ ᱳᱠᱟᱨᱮᱭᱮ ᱵᱩᱡᱽᱦᱟᱹᱣ ᱫᱟᱲᱮᱭᱟᱜ ᱠᱟᱱᱟ?