ᱦᱟᱭᱨᱮ ᱡᱩᱰᱟᱹᱥᱤ (ᱚᱱᱚᱬᱦᱮᱸ)

 

ᱦᱟᱭᱨᱮ ᱡᱩᱰᱟᱹᱥᱤ!

ᱤᱧ ᱢᱟ ᱵᱳᱨᱢᱟ ᱵᱩᱨᱩ ᱞᱳᱫᱟᱢ,

ᱛᱤᱨᱤᱭᱚ ᱧᱳᱸᱦᱳᱬ ᱨᱮ ᱢᱚᱝᱜᱚᱱ,
ᱟᱢ ᱢᱟ ᱜᱩᱢᱟᱹᱱᱤ ᱜᱟᱰᱟ,
ᱡᱚᱡᱚ ᱫᱟᱨᱦᱟ ᱨᱮ,
ᱨᱚᱠᱚᱡ ᱳᱣᱟᱨᱼᱳᱣᱟᱨ,
ᱜᱟᱛᱮᱠᱳ ᱥᱟᱶ,
ᱢᱤᱞᱣᱟᱹ ᱨᱚᱫᱚᱱᱨᱮ ᱢᱚᱝᱜᱳᱱ᱾
ᱟᱢᱟᱜ ᱞᱤᱴᱷᱩᱨ ᱟᱲᱟᱝ,
ᱜᱟᱰᱟ ᱜᱤᱛᱤᱞ ᱞᱮᱠᱟ ᱨᱤᱛᱤᱫ ᱨᱮᱟᱲ,
ᱵᱩᱨᱩ ᱞᱳᱫᱟᱢᱛᱮ,
ᱛᱟᱨᱠᱳ ᱨᱟᱠᱟᱵ ᱠᱟᱱ᱾
ᱟᱨ ᱦᱟᱦᱟᱲᱟᱜᱮ,
ᱤᱧᱟᱜ ᱛᱤᱨᱤᱭᱳ ᱧᱳᱸᱦᱳᱢᱨᱮ,
ᱵᱟᱡᱽ ᱠᱟᱛᱮ,
ᱢᱤᱫ ᱢᱚᱱ ᱩᱨᱟᱹᱞᱤ ᱥᱮᱨᱮᱧ,
ᱱᱚᱱᱰᱮ ᱥᱤᱨᱟᱡᱟᱹᱣᱜ ᱠᱟᱱ᱾
ᱟᱨ ᱤᱧᱟᱜ ᱳᱱᱛᱳᱨ ᱯᱟᱴᱟᱨᱮ,
ᱢᱤᱫ ᱟᱹᱡᱽᱜᱩᱛ ᱡᱤᱭᱟᱹᱲ ᱡᱩᱰᱟᱹᱥᱤᱧ,

ᱟᱴᱠᱟᱨᱮᱫ ᱠᱟᱱ᱾