ᱥᱮᱸᱜᱮᱞ

                  ᱥᱮᱸᱜᱮᱞ
                                ᱰᱨ. ᱠᱨᱤᱥᱷᱬᱟ ᱪᱟᱱᱫᱨᱟ ᱴᱩᱰᱩ
                

               

ᱵᱤᱨ ᱵᱩᱨᱩ ᱞᱚᱜ ᱠᱟᱱ ᱵᱤᱨ ᱥᱮᱸᱜᱮᱠ ᱛᱮ
ᱚᱲᱟᱜ ᱫᱩᱣᱟᱨ ᱞᱚᱜ ᱠᱟᱱ ᱦᱤᱨᱚᱢ ᱥᱤᱠᱤᱲ ᱛᱮ᱾
ᱵᱤᱨ ᱥᱮᱸᱜᱮᱞ ᱤᱬᱤᱡᱚᱜ ᱟ ᱥᱮᱨᱢᱟ ᱡᱟᱹᱛᱤ ᱛᱮ
ᱦᱤᱨᱚᱢ ᱥᱤᱠᱤᱲ ᱤᱬᱤᱡᱚᱜ ᱟ ᱥᱚᱦᱟ ᱵᱚᱦᱟ ᱛᱮ᱾᱾

ᱢᱚᱱᱮ ᱢᱩᱦᱤᱱ ᱞᱚᱜ ᱠᱟᱱ ᱜᱟᱛᱮ ᱵᱤᱪᱷᱚᱠ ᱛᱮ
ᱥᱟᱶᱛᱟ ᱥᱚᱢᱟᱡ ᱞᱚᱜ ᱠᱟᱱ ᱦᱤᱸᱥᱟ ᱦᱤᱯᱤᱥᱟᱹ ᱛᱮ᱾
ᱜᱟᱛᱮ ᱵᱤᱪᱷᱚᱠ ᱤᱬᱤᱡᱚᱜ ᱟ ᱡᱩᱨᱤ ᱯᱟᱹᱨᱤ ᱛᱮ
ᱦᱤᱸᱥᱟ ᱥᱮᱸᱜᱮᱞ ᱤᱬᱤᱡᱚᱜ ᱟ ᱡᱩᱢᱤᱫ ᱫᱟᱲᱮ ᱛᱮ᱾᱾

ᱡᱟᱹᱛᱤ ᱵᱤᱨᱟᱹᱫ ᱞᱚᱜ ᱠᱟᱱ ᱫᱷᱚᱨᱚᱢ ᱠᱚᱨᱚᱢ ᱛᱮ
ᱟᱹᱨᱤ ᱪᱟᱹᱞᱤ ᱞᱚᱜ ᱠᱟᱱ ᱫᱷᱚᱱ ᱫᱟᱲᱮ ᱛᱮ ᱾
ᱫᱷᱚᱨᱚᱢ ᱦᱤᱸᱥᱟ ᱤᱬᱤᱡᱚᱜ ᱟ ᱱᱤᱨᱚᱲ ᱢᱚᱱᱮ ᱛᱮ
ᱫᱷᱚᱱ ᱫᱟᱲᱮ ᱤᱬᱤᱡᱚᱜ ᱟ ᱥᱚᱢᱟᱱ ᱢᱚᱱᱮ ᱛᱮ᱾᱾

ᱯᱟᱹᱨᱥᱤ ᱥᱟᱶᱦᱮᱸᱫ ᱞᱚᱜ ᱠᱟᱱ ᱞᱤᱯᱤ ᱱᱮᱭᱟᱣ ᱛᱮ
ᱵᱩᱨᱫᱷᱤ ᱫᱤᱥᱟᱹ ᱞᱚᱜ ᱠᱟᱱ ᱢᱩᱨᱩᱜ ᱫᱚᱥᱟ ᱛᱮ᱾
ᱞᱤᱯᱤ ᱱᱮᱭᱟᱣ ᱤᱬᱤᱡᱚᱜ ᱟ ᱢᱤᱫ ᱞᱤᱯᱤ ᱛᱮ
ᱢᱩᱨᱩᱜ ᱫᱚᱥᱟ ᱤᱬᱤᱡᱚᱜ ᱟ ᱟᱹᱠᱤᱞ ᱜᱮᱭᱟᱱ ᱛᱮ᱾᱾
                                🎆🎆🎆🎆🎆

ᱥᱟᱱᱛᱟᱲᱤ ᱜᱟᱹᱛᱷᱱᱤ ᱜᱟᱫᱮᱞ