ᱵᱤᱨᱥᱟ ᱢᱩᱸᱰᱟ Birsa Munda

                   ᱵᱤᱨᱥᱟ ᱢᱩᱸᱰᱟ
                       ᱰᱨ. ᱠᱨᱤᱥᱷᱬᱟ ᱪᱟᱱᱫᱨᱟ ᱴᱩᱰᱩ

           

                      

jaherorag.blogspot.com

               

ᱚᱨᱚᱱ ᱵᱚᱨᱚᱱ ᱵᱤᱨᱢᱟ ᱛᱟᱞᱟ ᱨᱮ
ᱦᱮ ᱵᱤᱨᱥᱟ! ᱟᱢ ᱜᱮᱢ ᱩᱯᱮᱞ ᱞᱮᱱᱟ, ᱢᱟᱹᱱᱢᱤ ᱜᱟᱫᱮᱞ ᱨᱮ᱾

ᱨᱟᱺᱪᱤ ᱡᱤᱞᱟ ᱨᱮᱱᱟᱜ ᱪᱟᱞᱠᱟᱫ ᱵᱟᱵᱟ ᱟᱹᱛᱩ ᱨᱮ 
ᱦᱮ ᱵᱤᱨᱥᱟ! ᱑᱕ ᱱᱚᱣᱚᱢᱵᱚᱨ ᱑᱘᱗᱕ ᱤ. ᱨᱮᱢ ᱠᱟᱱᱟᱢ ᱞᱮᱱᱟ᱾

     ᱟᱯᱟᱛ ᱥᱩᱜᱱᱟ ᱢᱩᱸᱰᱟ ᱚᱲᱟᱜ ᱨᱮ
ᱦᱮ ᱵᱤᱨᱥᱟ! ᱮᱸᱜᱟᱛ ᱠᱩᱠᱷᱤ ᱨᱮᱢ ᱦᱮᱣ ᱦᱚᱵᱚᱨ ᱞᱮᱱᱟ᱾
     ᱪᱟᱺᱫᱚᱭ ᱨᱟᱠᱟᱵ ᱤᱨᱟᱹᱞ ᱴᱟᱲᱟᱝ ᱨᱮ

ᱦᱮ ᱵᱤᱨᱥᱟ! ᱨᱟᱺᱪᱤ ᱡᱤᱞᱟ ᱠᱷᱚᱱ ᱙ ᱡᱩᱱ ᱑᱙᱐᱐ ᱤ. ᱨᱮᱢ ᱥᱚᱨᱚᱜ ᱥᱟᱶᱟᱨ ᱮᱱ᱾
ᱯᱷᱩᱨᱜᱟᱹᱞ ᱦᱤᱥᱤᱨ ᱦᱤᱛᱞᱟᱹᱭ ᱞᱟᱹᱜᱤᱫ
ᱦᱮ ᱵᱤᱨᱥᱟ! ᱟᱢᱜᱮᱢ ᱛᱤᱸᱜᱩᱞᱮᱱᱟ ᱞᱟᱹᱭ ᱡᱟᱹᱱᱩᱢ ᱟᱛᱟᱨ ᱞᱟᱹᱜᱤᱫ᱾
   ᱥᱮᱨᱢᱟ ᱥᱟᱹᱜᱤᱧ ᱨᱮᱱᱟᱜ ᱨᱟᱦᱞᱟ ᱨᱤᱢᱤᱞ ᱞᱮᱠᱟ 

ᱦᱮ ᱵᱤᱨᱥᱟ! ᱟᱢᱜᱮᱢ ᱢᱟᱲᱟᱝ ᱞᱮᱱ ᱵᱟᱹᱭᱨᱤ ᱦᱮᱞᱮᱡ ᱞᱟᱹᱜᱤᱫ
  ᱢᱟᱹᱱᱢᱤ ᱨᱮᱱᱟᱜ ᱡᱤᱣᱤᱫ ᱫᱟᱨᱮ ᱨᱮᱜᱮ

ᱦᱮ ᱵᱤᱨᱥᱟ! ᱟᱢᱜᱮ ᱵᱚᱸᱜᱟ ᱵᱩᱨᱩ ᱞᱮᱠᱟ ᱱᱤᱛᱮᱢ ᱛᱟᱦᱮᱸᱭᱮᱱᱟ᱾
 ᱞᱟᱦᱟ ᱪᱟᱞᱟᱜ ᱟᱵᱚᱱ ᱛᱮᱨᱫᱮᱡ ᱢᱟᱨᱥᱟᱞ ᱛᱮ

ᱦᱮ ᱵᱩᱨᱥᱟ! ᱟᱢᱟᱜ ᱟᱭᱩᱨ ᱥᱩᱛᱩᱜ ᱥᱤᱥᱟ ᱦᱩᱫᱤᱥ ᱯᱟᱺᱡᱟ ᱦᱚᱨᱛᱮ ᱾
  ᱡᱟᱦᱟᱺ ᱛᱤᱱ ᱫᱤᱱ ᱪᱟᱺᱫᱚ ᱤᱯᱤᱞ ᱠᱚ ᱛᱟᱦᱸᱮᱱᱟ

ᱦᱮ ᱵᱤᱨᱥᱟ! ᱟᱢᱟᱜ ᱟᱲᱟᱝ ᱩᱱᱫᱤᱱ ᱫᱷᱟᱹᱨᱛᱤ ᱨᱮ ᱛᱟᱨᱥᱮ ᱨᱟᱠᱟᱵ ᱟ᱾
                          🎯🎯🎯