ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ

             ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ 

                 

ᱟᱲᱮ ᱨᱮ ᱫᱩᱲᱩᱵ ᱠᱟᱛᱮᱜ ᱪᱮᱫᱟᱜ ᱮᱢ ᱨᱟᱜ ᱮᱫ - ᱟ,

ᱚᱱᱠᱟ ᱛᱷᱤᱨ ᱠᱚᱜ ᱞᱮᱠᱟ ᱪᱮᱫᱟᱜ ᱮᱢ ᱛᱟᱦᱮᱱ ᱠᱟᱱᱟ ᱾

ᱞᱟᱦᱟ ᱥᱮᱫ ᱪᱟᱞᱟᱜ ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ,

ᱠᱩᱠᱢᱩ ᱮᱦᱚᱵ ᱞᱟᱹᱜᱤᱫ ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ ᱾

ᱞᱤᱠᱷᱚᱱ ᱪᱮᱫᱟᱜ ᱮ ᱨᱟᱜ ᱮᱫ - ᱟ,

ᱠᱩᱨᱩᱢᱩᱴᱩ ᱠᱷᱚᱱ ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ ᱾

ᱮᱲᱮ ᱦᱚᱲ ᱠᱷᱚᱱ ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ,

ᱡᱟᱦᱟᱸᱱ ᱟᱫ ᱟᱠᱟᱱ ᱠᱷᱚᱱ ᱪᱮᱫᱟᱜ ᱮᱢ ᱫᱩᱲᱩᱵ ᱟᱠᱟᱱᱟ ᱾

ᱛᱤ ᱵᱟᱝ ᱛᱟᱦᱮᱱ ᱞᱤᱠᱷᱚᱱ ᱛᱟᱦᱮᱱ ᱩᱱᱤᱭᱟᱜ ᱦᱚᱸ,

ᱟᱢ ᱛᱤ ᱪᱩᱯᱩᱫ ᱠᱟᱛᱮᱜ  ᱪᱮᱫᱟᱜ ᱮᱢ ᱨᱟᱜ ᱮᱫ - ᱟ ᱾

ᱵᱷᱟᱱᱩ ᱦᱚᱸᱭ ᱮᱦᱚᱵ ᱱᱤᱛ ᱱᱟᱶᱟ,

ᱧᱩᱦᱩᱢ ᱦᱩᱭ ᱮᱱ ᱠᱷᱟᱱ ᱵᱟᱭ ᱵᱚᱛᱚᱨᱚᱜ - ᱟ ᱾

 ᱟᱱᱟᱴ ᱧᱮᱞ ᱠᱟᱛᱮᱜ ᱪᱮᱫᱟᱜ ᱮᱢ ᱵᱚᱛᱚᱨᱚᱜ ᱠᱟᱱᱟ,

 ᱟᱢ ᱞᱟᱹᱲᱦᱟᱹᱭ ᱠᱷᱚᱱ ᱪᱮᱫᱟᱜ ᱛᱟᱭᱚᱢ ᱥᱮᱫ ᱮᱢ  ᱚᱪᱚᱫᱚᱜ ᱠᱟᱱᱟ ᱾

ᱚᱠᱚᱭ ᱮᱢ ᱮ ᱮᱥᱮᱫ ᱟᱠᱟᱫ ᱢᱮᱭᱟ,

ᱟᱢ ᱜᱮ ᱟᱢ ᱮ ᱮᱥᱮᱫ ᱟᱠᱟᱫ ᱢᱮᱭᱟᱭ ᱾

ᱵᱷᱚᱨ ᱫᱟᱲᱮ ᱟᱨ ᱫᱟᱣ, ᱵᱟᱲᱦᱟᱣ ᱛᱟᱲᱟᱢ,

ᱱᱤᱛᱚᱜ ᱱᱚᱶᱟ ᱠᱷᱚᱱ ᱥᱚᱨᱮᱥ ᱚᱠᱟ ᱦᱚᱸ ᱵᱟᱹᱱᱩᱜ - ᱟ ᱱᱟᱯᱷᱟ ᱾

                                        =====