ᱥᱚᱦᱨᱟᱭ ᱥᱮᱨᱮᱧ
᱑ᱹ)ᱩᱴᱤ ᱩᱴᱤ ᱥᱩᱴᱤ ᱮᱱᱟ
ᱥᱩᱴᱤ ᱨᱮᱢᱟ ᱡᱚᱲᱟ ᱞᱩᱢᱟᱝ
ᱡᱚᱲᱟ ᱞᱩᱢᱟᱝ ᱯᱤᱨᱛᱷᱤᱢ ᱫᱚ ᱛᱤᱢᱤᱱ ᱥᱟᱺᱜᱤᱱᱟ᱾
ᱫᱷᱚᱨᱚᱢ ᱨᱮᱵᱚᱱ ᱛᱟᱦᱮᱱᱟ
ᱪᱟᱸᱫᱚ ᱴᱷᱮᱱ ᱵᱚᱱ ᱪᱟᱞᱟᱜ-ᱟ
ᱥᱚᱨᱚᱜᱽ ᱯᱩᱨᱤ ᱪᱮᱛᱟᱱ ᱨᱮᱵᱚᱱ ᱴᱩᱸᱰᱟᱝ ᱵᱟᱲᱟᱭᱟ᱾
᱒) ᱪᱮᱛᱟᱱ ᱫᱤᱥᱚᱢ ᱦᱩᱞ ᱢᱟᱞ
ᱥᱮᱸᱜᱮᱞ ᱮᱱᱟ ᱫᱟᱹᱭ ᱱᱟ ᱫᱟᱹᱭ
ᱪᱮᱛᱮ ᱛᱮᱵᱚᱱ ᱨᱚᱯᱷᱟ ᱨᱩᱣᱟᱹᱲᱟ
ᱵᱷᱟᱜᱽ ᱵᱷᱟᱨᱚᱛ ᱪᱤᱱ ᱪᱟᱭᱚᱨ
ᱥᱟᱝᱜᱮ ᱵᱚᱭᱦᱟ ᱢᱮᱱᱟᱜ ᱵᱚᱱ
ᱯᱤᱨᱛᱷᱤᱢ ᱫᱚᱵᱚᱱ ᱨᱚᱯᱷᱟ ᱨᱩᱣᱟᱹᱲᱟ᱾
᱓)ᱟᱨᱟᱵᱽ ᱫᱤᱥᱚᱢ ᱠᱟᱸᱥᱟ ᱠᱚᱨᱛᱟᱞ
ᱨᱟᱶ ᱟᱶ ᱮᱱᱟ ᱫᱚ ᱫᱟᱹᱭᱱᱟ ᱫᱟᱹᱭ
ᱯᱟᱠᱤᱥᱛᱟᱱ ᱞᱤᱯᱩᱨ ᱯᱟᱭᱜᱟᱱ ᱟᱸᱡᱚᱢ ᱦᱤᱡᱩᱜ ᱠᱟᱱ᱾
ᱨᱟᱠᱟᱜ ᱠᱟᱱᱟ ᱫᱟᱹᱭ ᱱᱟ ᱫᱟᱹᱭ
ᱯᱤᱨᱛᱷᱤᱢ ᱫᱚ ᱴᱚᱞ ᱢᱚᱞᱚᱜ ᱠᱟᱱ᱾
᱔) ᱡᱟᱹᱛᱤ ᱫᱮᱵᱚᱱ ᱡᱤᱭᱟᱹᱲᱟ
ᱥᱟᱶᱛᱟ ᱫᱮᱵᱚᱱ ᱥᱩᱥᱟᱹᱨᱟ
ᱜᱩᱛᱩ ᱜᱟᱞᱟᱝ ᱵᱟᱦᱟ ᱢᱟᱞᱟ ᱞᱮᱠᱟ ᱫᱮᱵᱚᱱ ᱛᱟᱦᱮᱱᱟ᱾
ᱯᱟᱹᱨᱥᱤ ᱫᱮᱵᱚᱱ ᱫᱩᱞᱟᱹᱲᱟ
ᱫᱷᱚᱨᱚᱢ ᱫᱮᱵᱚᱱ ᱩᱨᱩᱢᱟ
ᱚᱞᱚᱜ ᱯᱟᱲᱷᱟᱜ ᱟᱹᱠᱤᱞ ᱜᱮᱭᱟᱹᱱ ᱫᱮᱵᱚᱱ ᱦᱟᱢᱮᱴᱟ᱾
᱕) ᱫᱟᱹᱭ ᱪᱟᱢᱯᱟ ᱡᱤᱭᱟᱹ ᱠᱟᱫᱟᱢ
ᱠᱷᱮᱨᱣᱟᱞ ᱠᱚᱣᱟᱜ ᱛᱟᱦᱮᱸ ᱠᱟᱱ
ᱚᱱᱟᱛᱮᱜᱮ ᱠᱷᱮᱨᱣᱟᱞ ᱠᱚᱣᱟᱜ ᱡᱩᱢᱤᱫ ᱛᱟᱦᱮᱸ ᱠᱟᱱ ᱾
ᱪᱟᱹᱭ ᱪᱟᱢᱯᱟ ᱡᱤᱭᱟᱹ ᱠᱟᱫᱟᱢ
ᱵᱟᱹᱭᱨᱤ ᱠᱚ ᱠᱚ ᱫᱚᱠᱷᱚᱠ ᱠᱮᱫ
ᱚᱱᱟ ᱛᱮᱜᱮ ᱚᱱᱟᱛᱮᱜᱮ ᱠᱷᱮᱨᱣᱟᱞ ᱠᱚ ᱫᱚ ᱦᱟᱞᱮ ᱰᱟᱞᱮ᱾
᱖) ᱪᱮᱛᱟᱱ ᱫᱤᱥᱚᱢ ᱡᱟᱞᱟ ᱯᱩᱨᱤ
ᱫᱟᱜ ᱫᱚ ᱫᱟᱹᱭ ᱱᱟ ᱪᱮᱦᱮᱞ ᱪᱮᱯᱮᱞ
ᱪᱤᱠᱟᱹᱛᱮ ᱞᱟᱝ ᱴᱩᱸᱰᱟᱝ ᱯᱟᱨᱚᱢᱚᱜ᱾
ᱨᱟᱹᱢᱩᱱᱤ ᱡᱟᱦᱟᱡᱽ ᱨᱮᱞᱟᱝ
ᱫᱮᱡ ᱟᱹᱱᱟ ᱫᱟᱹᱭ ᱱᱟ
ᱦᱤᱨᱞᱟᱹ ᱢᱩᱱᱤ ᱡᱟᱦᱟᱡ ᱛᱮᱞᱟᱝ ᱴᱩᱰᱟᱝ ᱯᱟᱨᱚᱢᱚᱜ᱾
᱗)ᱯᱩᱬ ᱢᱟᱞᱟ ᱦᱮᱸᱫᱮ ᱢᱟᱞᱟ
ᱜᱩᱛᱩ ᱡᱩᱜᱤᱧ ᱮᱢᱟᱫ ᱢᱮ
ᱢᱟᱞᱟ ᱡᱩᱜᱤ ᱵᱟᱢ ᱮᱢᱟ ᱤᱧ᱾
ᱥᱤᱝ ᱡᱩᱜᱤ ᱡᱷᱚᱢᱚᱨ ᱡᱷᱚᱢᱚᱨ
ᱧᱤᱫᱟ ᱡᱩᱜᱤ ᱞᱚᱫᱚᱵ ᱞᱚᱫᱚᱵ
ᱢᱟᱞᱟ ᱵᱟᱝ ᱛᱮᱜᱮ ᱡᱩᱜᱤ
ᱵᱟᱹᱧ ᱩᱰᱩᱠ ᱞᱮᱱ᱾
᱘) ᱠᱚᱞᱠᱟᱛᱟ ᱫᱤᱥᱚᱢ ᱫᱟᱲᱟᱱ
ᱧ ᱫᱚ ᱥᱟᱸᱤᱧ ᱤᱫᱤᱧ ᱢᱮ
ᱟᱜᱟᱢ ᱥᱟᱢᱩᱫ ᱡᱟᱦᱟᱡ ᱠᱚᱫᱚ
ᱧᱮᱞ ᱦᱟᱪᱚᱹᱧ ᱢᱮ᱾
ᱦᱟᱣᱲᱟ ᱯᱩᱞ ᱞᱤᱠᱤᱫ ᱞᱤᱠᱤᱫ
ᱛᱟᱲᱟᱢ ᱛᱮᱞᱟᱝ ᱯᱟᱨᱚᱢᱚᱜ
ᱠᱚᱞᱠᱚᱛᱟ ᱵᱟᱡᱟᱨ ᱜᱚᱴᱟᱹᱧ ᱥᱟᱱᱟᱭᱟ ᱟᱜᱩᱭᱟ᱾
᱙)ᱟᱭᱚ ᱵᱟᱵᱟ ᱛᱟᱦᱮᱱ ᱨᱮᱫᱚ
ᱨᱟᱹᱥᱠᱟ ᱜᱤᱧ ᱛᱟᱦᱮᱸ ᱠᱟᱱ
ᱠᱟᱥᱟ ᱠᱚᱞᱥᱟ ᱠᱚᱞᱥᱟ ᱛᱮ
ᱠᱩᱞᱦᱤᱧ ᱩᱰᱩᱠ ᱞᱮᱱᱟ ᱾
ᱟᱭᱚ ᱦᱚᱸ ᱪᱚᱭ ᱜᱩᱨ ᱮᱱ
ᱵᱟᱵᱟ ᱦᱚᱸ ᱪᱚᱭ ᱜᱩᱨ ᱮᱱ
ᱢᱮᱫ ᱫᱟᱜ ᱡᱚᱨᱚᱜ ᱦᱚᱨᱚᱜ ᱛᱮ ᱠᱩᱞᱦᱤᱧ ᱩᱰᱩᱠ ᱞᱮᱱ᱾
᱑᱐)ᱟᱭᱚ ᱵᱟᱵᱟ ᱟᱹᱛᱩ ᱨᱮᱫᱚ
ᱛᱩᱢᱫᱟᱜ ᱴᱟᱢᱟᱠ ᱫᱟᱲᱮ ᱠᱟᱱ
ᱛᱩᱢᱫᱟᱜ ᱴᱟᱢᱟᱠ ᱫᱩᱞᱫᱩᱞᱟᱜ ᱠᱟᱱ᱾
ᱪᱚᱞᱚ ᱡᱩᱨᱤ ᱤᱫᱤ ᱠᱟᱹᱧ ᱢᱮ
ᱪᱚᱞᱚ ᱡᱩᱨᱤ ᱥᱮᱴᱮᱨ ᱠᱟᱹᱧ ᱢᱮ
ᱯᱚᱨᱟᱭᱱᱤ ᱥᱟᱠᱟᱢ ᱞᱮᱠᱟᱹᱧ ᱴᱚᱞ ᱢᱟᱞᱚᱜ ᱠᱟᱱ᱾
᱑᱑)ᱨᱟᱹᱥᱤ ᱵᱟᱹᱥᱤ ᱟᱹᱛᱩ ᱛᱮ
ᱤᱫᱤ ᱞᱤᱫᱤᱧ ᱨᱟᱹᱦᱤ ᱛᱮ
ᱪᱟᱸᱫᱚ ᱥᱤᱨᱡᱚᱱ ᱥᱚᱱᱮᱨ ᱥᱤᱠᱲᱤ
ᱵᱟᱵᱟᱭ ᱡᱚᱲᱟᱣ ᱞᱮᱫ᱾
ᱟᱹᱣᱨᱤ ᱦᱟᱨᱟ ᱯᱩᱨᱟᱣᱜ ᱛᱮᱜᱮ
ᱨᱟᱹᱥᱠᱟ ᱦᱟᱞᱮ ᱪᱟᱯᱮ ᱟᱹᱫᱤᱧ
ᱯᱟᱛᱟ ᱪᱷᱟᱛᱟ ᱫᱟᱬᱟ ᱛᱮ ᱠᱚ ᱵᱟᱹᱜᱤ ᱠᱟᱫᱤᱧᱟ᱾
ᱚᱠᱟ ᱦᱚᱨᱛᱮᱢ ᱛᱟᱲᱟᱢ ᱞᱮᱨᱮ
ᱧ ᱫᱚ ᱟᱠᱟᱹᱧ ᱪᱟᱞᱟᱜ ᱟ
ᱪᱟᱸᱫᱚ ᱥᱤᱨᱡᱚᱱ ᱥᱚᱱᱮᱨ ᱥᱤᱠᱲᱤ
ᱧ ᱫᱚᱹᱧ ᱛᱚᱯᱟᱜ ᱠᱮᱫ᱾
᱑᱒)ᱮ ᱦᱤᱞᱤ ᱢᱟᱨᱟᱝ ᱦᱤᱞᱤ
ᱠᱟᱯᱟᱴ ᱦᱤᱞᱤ ᱡᱷᱤᱜ ᱢᱮ
ᱫᱩᱣᱟᱹᱨ ᱨᱮ ᱫᱚ ᱰᱟᱝᱜᱣᱟ ᱠᱩᱲᱤᱭ ᱛᱤᱸᱜᱩ ᱟᱠᱟᱱᱟᱭ᱾
ᱫᱮᱱ ᱥᱮ ᱦᱤᱞᱤ ᱥᱟᱥᱟᱝ ᱥᱟᱲᱤ ᱡᱤᱭᱟᱹ ᱥᱤᱸᱫᱩᱨ
ᱰᱟᱝᱜᱣᱟ ᱠᱩᱲᱤ ᱦᱚᱨᱟᱥᱤᱧ ᱥᱟᱡᱟᱣ ᱠᱟᱛᱟᱭᱟ᱾
᱑᱓)ᱡᱚᱢ ᱡᱟᱹᱵᱩᱢ ᱠᱟᱨᱠᱟᱴ ᱡᱟᱹᱱᱩᱢ
ᱨᱟᱜ ᱫᱚᱨᱤᱧ ᱥᱟᱦᱟᱣᱟ
ᱠᱩᱲᱤᱫ ᱨᱟᱢᱟ ᱵᱟᱹᱠᱩᱵ ᱡᱟᱹᱱᱩᱢ
ᱵᱟᱹᱧ ᱥᱟᱦᱟᱣᱟ᱾
ᱦᱟᱹᱴ ᱠᱤ ᱯᱟᱛᱟ ᱨᱚᱲ ᱞᱟᱸᱫᱟ
ᱠᱟᱛᱷᱟ ᱡᱩᱨᱤᱧ ᱥᱟᱦᱟᱣᱟ
ᱵᱚᱸᱜᱟ ᱛᱟᱞᱟ ᱦᱤᱨᱚᱢ ᱥᱤᱠᱤᱲ
ᱵᱟᱹᱧ ᱥᱟᱦᱟᱣᱟ᱾
᱑᱔)ᱥᱟᱹᱨᱤ ᱥᱚᱦᱨᱟᱭ ᱩᱢ ᱦᱤᱞᱚᱜ
ᱪᱟᱹᱣᱨᱤᱡ ᱫᱟᱫᱟᱹᱧ ᱟᱫ ᱟᱠᱟᱫ
ᱪᱟᱹᱣᱨᱤᱡ ᱫᱟᱫᱟ ᱛᱚᱞᱥᱟ ᱠᱟᱹᱛᱤᱧ ᱢᱮ᱾
ᱟᱢ ᱜᱮ ᱫᱟᱫᱟ ᱡᱚᱜ ᱢᱟᱹᱡᱷᱤ
ᱟᱢ ᱜᱮ ᱫᱟᱫᱟ ᱯᱟᱨᱟᱱᱤᱠ
ᱪᱟᱹᱣᱨᱤᱡ ᱫᱟᱫᱟ ᱛᱚᱞᱟᱥ ᱠᱟᱹᱛᱤᱧ ᱢᱮ᱾
᱑᱕)ᱵᱤᱨ ᱪᱮᱲᱮᱢ ᱟᱹᱥᱩᱠ ᱠᱟᱭᱟ
ᱠᱷᱟᱸᱪᱟ ᱨᱮᱜᱮᱡ ᱫᱚᱦᱚ ᱠᱟᱭ
ᱢᱚᱱ ᱫᱚ ᱛᱟᱦᱮᱱ ᱛᱟᱭᱟ ᱵᱷᱟᱭᱤ ᱨᱮ ᱵᱤᱨ ᱵᱩᱨᱩ ᱨᱮ᱾
ᱡᱟᱶᱟᱭ ᱠᱩᱲᱤ ᱢᱚᱱ ᱦᱚᱸᱛᱚ ᱵᱤᱨ ᱪᱮᱸᱬᱮ ᱞᱮᱠᱟᱜᱮ
ᱢᱚᱱ ᱫᱚ ᱛᱟᱦᱮᱱ ᱛᱟᱠᱚᱣᱟ ᱨᱮ
ᱟᱢᱟ ᱵᱟᱨᱮ ᱟᱹᱛᱩ ᱚᱲᱟᱜ ᱨᱮ᱾
᱑᱖)ᱯᱩᱨᱱᱤᱢᱟ ᱪᱟᱸᱫᱚᱭ ᱨᱟᱠᱟᱵ
ᱟᱡᱚᱫᱤᱭᱟᱹ ᱥᱮᱸᱫᱨᱟ
ᱫᱩᱞᱟᱹᱲ ᱥᱚᱱᱟ ᱟᱞᱚ ᱟᱛᱟᱢᱟ᱾
ᱯᱟᱪᱮᱫ ᱥᱚᱱᱟᱢ ᱯᱟᱲᱟᱣ ᱠᱚᱣᱟ
ᱠᱩᱠ ᱵᱟᱱᱟ ᱢᱚᱪᱟ ᱨᱮ
ᱜᱚ ᱵᱟᱵᱟᱢ ᱟᱹᱫ ᱠᱤᱱᱟ ᱵᱚᱭᱮᱥ ᱵᱤᱫᱟᱹᱞ ᱨᱮ᱾
᱑᱗)ᱱᱟᱹᱭ ᱯᱟᱨᱚᱢ ᱜᱟᱰᱟ ᱯᱟᱨᱚᱢ
ᱟᱢ ᱫᱚ ᱫᱟᱫᱟᱢ ᱜᱚᱝ ᱤᱧᱟ
ᱜᱟᱛᱮ ᱠᱩᱲᱤ ᱫᱩᱞᱟᱹᱲ ᱢᱟᱭᱟ ᱰᱤᱠᱟᱹᱧ ᱪᱷᱟᱰᱟᱣᱟ᱾
ᱜᱮᱞ ᱵᱩᱨᱩ ᱜᱮᱞᱵᱟᱨ ᱵᱩᱨᱩ
ᱯᱟᱨᱚᱢ ᱫᱟᱫᱟᱢ ᱜᱚᱝ ᱤᱧ
ᱟᱭᱚ ᱵᱟᱵᱟ ᱫᱩᱞᱟᱹᱲ ᱢᱟᱭᱟ ᱰᱤᱠᱟᱹᱧ ᱪᱷᱟᱰᱟᱣᱟ᱾
ᱛᱩᱲᱤ ᱥᱩᱱᱩᱢ ᱴᱚᱲᱚᱜ ᱴᱚᱲᱚᱜ ᱢᱮᱫ ᱫᱟᱜ ᱫᱟᱫᱟ ᱡᱚᱨᱚᱜ ᱟ
ᱵᱩᱨᱥᱤ ᱟᱮᱸᱜᱮᱞ ᱞᱚᱜ ᱞᱮᱠᱟ ᱡᱤᱣᱤ ᱫᱚ ᱞᱚᱜ ᱟ᱾
᱑᱘) ᱚᱞᱚᱜ ᱥᱮᱬᱟ ᱢᱮᱱ ᱛᱮ ᱨᱮ
ᱚᱲᱟᱜ ᱠᱷᱚᱱ ᱮᱢ ᱩᱰᱩᱠ ᱞᱮᱱ
ᱫᱤᱥᱚᱢ ᱦᱚᱲ ᱧᱮᱞ ᱛᱮᱜᱮ ᱦᱟᱲᱟᱢ ᱫᱚᱞᱮ ᱮᱱ᱾
ᱯᱷᱮᱰ ᱮᱱᱟᱢ ᱟᱢ ᱯᱟᱹᱨᱤ
ᱵᱟᱦᱟ ᱥᱤᱵᱟᱹᱲ ᱢᱮᱱᱛᱮ
ᱦᱤᱨᱤᱡ ᱠᱮᱫᱟᱢ ᱟᱹᱠᱷᱤᱨ ᱫᱟᱫᱟ
ᱨᱚᱢᱚᱡ ᱯᱟᱹᱥᱤᱨ ᱛᱮ᱾
᱑᱙)ᱵᱤᱜᱭᱟᱱ ᱨᱮᱱᱟᱜ ᱫᱟᱲᱮ ᱛᱮ
ᱦᱟᱲᱟᱜ ᱟᱹᱠᱤᱞ ᱜᱮᱭᱟᱹᱱ ᱛᱮ
ᱢᱟᱹᱱᱢᱤ ᱠᱚ ᱫᱟᱬᱟᱱ ᱠᱟᱱᱟ ᱥᱮᱨᱢᱟ ᱪᱮᱛᱟᱱ ᱛᱮ
ᱩᱰᱟᱹᱜ ᱠᱟᱱᱟ ᱩᱰᱟᱹᱱ ᱜᱟᱹᱰᱤ
ᱡᱚᱨᱛᱮ ᱪᱟᱞᱟᱜ ᱟᱹᱰᱤ
ᱢᱤᱫ ᱜᱷᱟᱹᱲᱤᱡᱛᱮᱢ ᱥᱮᱴᱮᱨ ᱜᱚᱫᱚᱜ
ᱵᱤᱞᱟᱹᱛ ᱫᱤᱥᱚᱢᱨᱮ᱾
᱒᱐) ᱡᱟᱞᱟ ᱡᱟᱞᱟ ᱛᱟᱞᱟ ᱡᱟᱞᱟ
ᱥᱤᱨᱚᱢ ᱫᱷᱟᱸᱫᱤ ᱛᱟᱞᱟᱨᱮ
ᱦᱟᱸᱥ ᱦᱟᱸᱥᱤᱞ ᱪᱮᱸᱬᱮ ᱫᱚ ᱠᱤᱱ ᱛᱩᱠᱟᱹ ᱵᱤᱞᱤ ᱞᱮᱫ
ᱦᱟᱸᱥ ᱦᱟᱸᱥᱤᱞ ᱵᱤᱞᱤ ᱠᱷᱚᱱᱟᱜ
ᱢᱟᱱᱣᱟ ᱫᱚ ᱠᱤᱱ ᱡᱟᱱᱟᱢ ᱞᱮᱱ
ᱯᱤᱞᱪᱩ ᱦᱟᱲᱟᱢ ᱯᱤᱞᱪᱩ ᱵᱩᱰᱷᱤ ᱧᱩᱛᱩᱢ ᱛᱟᱦᱮᱸ ᱠᱟᱱ᱾
᱒᱑)ᱟᱹᱛᱩ ᱨᱮᱜᱮ ᱥᱠᱩᱞ ᱵᱚᱭᱦᱟ
ᱚᱞᱚᱜ ᱫᱮᱵᱚᱱ ᱥᱮᱸᱬᱟᱭᱟ
ᱠᱷᱮᱨᱣᱟᱞ ᱡᱟᱹᱛᱤ ᱥᱚᱢᱟᱡ ᱫᱮᱵᱚᱱ
ᱠᱚᱨᱟᱹᱣ ᱨᱟᱠᱟᱵᱟ᱾
ᱮᱴᱟᱜ ᱪᱷᱟᱹᱛᱤᱠ ᱡᱟᱹᱛᱤ ᱠᱚᱫᱚ
ᱟᱵᱚ ᱠᱷᱚᱱ ᱠᱚ ᱞᱟᱦᱟ ᱮᱱ
ᱚᱞ ᱵᱟᱵᱚᱱ ᱵᱟᱰᱟᱭ ᱛᱮᱵᱚᱱ
ᱞᱤᱪᱟᱹᱲ ᱛᱟᱦᱮᱸ ᱮᱱ᱾
᱒᱒)ᱟᱭᱚ ᱵᱟᱵᱟ ᱫᱩᱞᱟᱹᱲ ᱛᱮᱜᱮ
ᱦᱟᱨᱟᱭᱮᱱᱟᱹᱧ ᱞᱟᱭᱮᱨ ᱠᱚᱫᱚᱨ
ᱵᱟᱦᱟ ᱥᱚᱦᱨᱟᱭ ᱯᱚᱨᱚᱵ ᱨᱮᱚᱹᱧ
ᱮᱱᱮᱡ ᱥᱮᱨᱧ ᱟ᱾
ᱤᱧᱟᱜ ᱱᱚᱣᱟ ᱫᱟᱝᱜᱣᱟ ᱢᱚᱱᱮ
ᱦᱟᱹᱱᱛᱮ ᱱᱷᱟᱹᱛᱮ ᱛᱟᱯᱤᱧ ᱵᱟᱹᱲᱟᱭ
ᱦᱟᱨᱟ ᱜᱚᱫᱚᱜ ᱢᱚᱱᱮ ᱤᱧᱟᱜ ᱚᱠᱚᱭ ᱨᱟᱲᱮᱡᱟ᱾
ᱢᱟᱨᱟᱝ ᱵᱩᱨᱩ ᱡᱟᱦᱮᱨ ᱭᱚ ᱢᱚᱬᱮᱠᱚ ᱛᱩᱨᱩᱭᱠᱚ
ᱥᱟᱨ ᱟᱹᱧ ᱯᱮ ᱥᱟᱹᱜᱩᱱ ᱟᱹᱧ ᱯᱮ
ᱥᱟᱹᱨᱫᱤ ᱩᱢᱮᱨ ᱨᱮ ᱜᱮ ᱡᱩᱨᱤ ᱮᱢᱟᱹᱧ ᱯᱮ᱾
᱒᱓)ᱰᱷᱟᱠᱟ ᱴᱟᱢᱟᱠ ᱥᱟᱠᱣᱟ ᱥᱟᱲᱮ
ᱟᱡᱚᱫᱤᱭᱟᱹᱵᱩᱨᱩ ᱨᱮ
ᱥᱤᱠᱟᱹᱨᱭᱟᱹ ᱟᱡᱚᱫᱤᱭᱟ ᱵᱤᱨ ᱠᱚ ᱵᱚᱞᱚ ᱮᱱ᱾
ᱵᱩᱨᱩ ᱪᱮᱛᱟᱱ ᱪᱟᱴᱟᱱᱤ ᱨᱮ ᱥᱤᱛᱟ ᱨᱟᱱᱤ ᱯᱟᱸᱡᱟ ᱢᱮᱱᱟᱜ
ᱪᱟᱴᱟᱱᱤ ᱨᱮ ᱥᱤᱠᱟᱹᱨᱭᱟᱹ ᱠᱚ ᱜᱤᱛᱤᱡ ᱟᱸᱜᱟ ᱮᱱ᱾
᱒᱔) ᱥᱟᱥᱟᱝ ᱵᱮᱲᱟ ᱪᱟᱴᱟᱱᱤ ᱨᱮ
ᱛᱤᱣᱭᱚ ᱵᱟᱱᱟᱢ ᱥᱟᱰᱮ ᱠᱟᱱ
ᱚᱠᱚᱭ ᱞᱮᱠᱟᱱ ᱨᱩᱥᱤᱠᱟ ᱠᱤᱱ ᱮᱱᱮᱡ ᱥᱮᱨᱮᱧᱮᱜ ᱟ,
ᱟᱸᱜᱟᱨᱤᱭᱟ ᱴᱩᱰᱩ ᱠᱚᱲᱟ,ᱛᱤᱨᱭᱚ ᱫᱚ ᱠᱤᱱ ᱚᱨᱚᱝ ᱟ,
ᱵᱟᱱᱟᱢ ᱫᱚ ᱠᱤᱱ ᱵᱟᱱᱟᱢᱟ
ᱥᱟᱥᱟᱝ ᱵᱮᱲᱟ ᱪᱟᱴᱟᱱᱤ ᱠᱤᱱ ᱟᱸᱫᱚᱲ ᱟᱠᱟᱫᱟ᱾
᱒᱕) ᱥᱟᱹᱨᱤ ᱥᱚᱦᱨᱟᱭ ᱯᱚᱨᱚᱵ ᱨᱮᱫᱚ
ᱱᱮᱶᱛᱟᱹᱧ ᱢᱮᱥᱮ ᱢᱟᱨᱟᱝ ᱫᱟᱫᱟ
ᱵᱚᱪᱷᱚᱨ ᱫᱤᱱ ᱨᱮ ᱯᱚᱨᱚᱵ ᱫᱟᱫᱟ ᱧ ᱫᱚᱹᱧ ᱩᱭᱦᱟᱹᱨᱟ᱾
ᱛᱩᱲᱤ ᱥᱩᱱᱩᱢ ᱴᱚᱲᱚᱜ ᱴᱚᱲᱚᱜ ᱢᱮᱫ ᱫᱟᱜ ᱫᱟᱫᱟ ᱡᱚᱨᱚᱜ ᱛᱤᱧ
ᱵᱩᱨᱥᱤ ᱥᱮᱸᱜᱮᱞ ᱞᱚᱜ ᱞᱮᱠᱟ ᱡᱤᱣᱤ ᱞᱚᱜ ᱛᱤᱧ᱾
᱒᱖)ᱵᱟᱧᱪᱤᱢ ᱵᱩᱨᱩ ᱧᱟᱞᱟᱜ ᱧᱟᱞᱟᱜ
ᱯᱟᱱᱛᱮ ᱛᱮᱞᱟᱝ ᱫᱩᱲᱩᱵ ᱟᱠᱟᱱ
ᱪᱮᱫᱟᱜ ᱵᱷᱟᱹᱭ ᱨᱮ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ?
ᱩᱭᱦᱟᱹᱨ ᱮᱫᱟᱹᱧ ᱜᱟᱹᱭ ᱜᱟᱰᱟ
ᱩᱭᱦᱟᱹᱨ ᱮᱫᱟᱹᱧ ᱠᱟᱰᱟ ᱜᱟᱰᱟ
ᱚᱱᱟ ᱛᱮᱜᱮ~᱒ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ᱾
᱒᱗) ᱨᱟᱹᱥᱤ ᱵᱟᱹᱥᱤ ᱠᱩᱪᱤᱛ ᱠᱩᱞᱦᱤ
ᱟᱹᱰᱤ ᱡᱚᱢᱚᱠ ᱛᱟᱦᱮᱸ ᱠᱟᱱ
ᱪᱤᱠᱟ.ᱛᱮᱹᱧ ᱦᱩᱞᱟᱹᱥ ᱵᱷᱟᱝᱜᱟᱭᱮᱱ?
ᱨᱩᱥᱤᱠᱟᱹ ᱠᱚ ᱦᱮᱢ ᱟᱱᱟ
ᱱᱟᱪᱚᱱᱤᱭᱟᱹ ᱠᱚ ᱦᱚᱵᱚᱨ ᱟᱱᱟ
ᱚᱱᱟ ᱛᱮ ᱚᱱᱟᱛᱮᱜᱮ ᱦᱩᱞᱟᱹᱥ ᱵᱷᱟᱝᱜᱟᱭᱮᱱ᱾
᱒᱘)ᱦᱟᱵᱟᱜ ᱰᱟᱵᱟᱜ ᱯᱮᱨᱮᱡ ᱴᱷᱤᱞᱤ
ᱜᱷᱟᱱᱮᱹᱧ ᱛᱩᱞᱟᱜ ᱜᱷᱟᱱᱮᱹᱧ ᱫᱚᱦᱚᱭ
ᱠᱩᱸᱣᱟᱨᱤ ᱢᱚᱱᱮ ᱤᱧᱟᱜ ᱚᱠᱚᱭ ᱪᱮᱨᱮᱡᱟ?
ᱞᱮᱣᱮᱨ ᱠᱚᱫᱚᱨ ᱦᱟᱲᱟᱢ ᱛᱤᱧ ᱫᱚ
ᱛᱤᱢᱤᱱ ᱫᱤᱱᱤᱧ ᱡᱚᱛᱚᱱᱟ.
ᱠᱩᱸᱣᱟᱨᱤ ᱢᱚᱱᱮ ᱤᱧᱟᱜ ᱚᱠᱚᱭ ᱨᱟᱲᱮᱡᱟ?
᱒᱙)ᱨᱚᱪᱚᱜ ᱨᱚᱪᱚᱜ ᱫᱟᱹᱦᱲᱤ ᱯᱷᱩᱞ
ᱟᱛᱮᱜ ᱡᱚᱜᱚᱜ ᱠᱚᱥᱚᱜ
ᱟᱢ ᱫᱚ ᱯᱷᱩᱞᱮᱢ ᱥᱮᱫᱟᱭ ᱞᱮᱠᱟᱜᱮ᱾
ᱤᱧ ᱫᱚ ᱯᱷᱩᱞᱤᱧ ᱦᱮᱢ ᱟᱱᱟᱜ
ᱤᱧ ᱫᱚ ᱯᱷᱩᱞᱤᱧ ᱦᱚᱵᱨᱟᱱ
ᱤᱧ ᱫᱚ ᱯᱷᱩᱞᱤᱧ ᱵᱟᱨᱚ ᱵᱟᱨᱚ ᱫᱟᱸᱫᱷᱤᱭᱮᱱ᱾
᱓᱐)ᱦᱚᱲ ᱥᱟᱢᱟᱝ᱒ ᱠᱚᱨᱮ
ᱟᱠᱚ ᱥᱮᱨᱮᱢ ᱨᱚᱲᱤᱧᱟ
ᱫᱚᱲᱚᱢ ᱟᱠᱟᱫ ᱞᱚᱴᱟ ᱫᱟᱜ ᱫᱚ ᱵᱟᱹᱧ ᱫᱩᱲᱩᱡᱟ᱾
ᱫᱚᱲᱚᱢ ᱟᱠᱟᱫ ᱞᱚᱴᱟ ᱫᱟᱜ ᱤᱧ ᱫᱩᱲᱩᱡ ᱞᱮᱠᱷᱟᱱ ᱵᱷᱟᱹᱭ ᱨᱮ ᱵᱷᱟᱹᱭ
ᱢᱚᱬᱮ ᱢᱚᱠᱟ ᱥᱮᱨᱢᱟ ᱟᱛᱮ ᱦᱮᱞᱮᱡᱤᱧ ᱢᱮ᱾
ᱥᱟ-ᱥᱟᱯᱲᱟᱣᱤᱡ= [bijendrahansdabjnkmh. Bijendra Hansda]
ᱫᱚᱥᱟᱨ ᱥᱟᱯᱲᱟᱣ ᱥᱚᱦᱨᱟᱭ ᱥᱮᱨᱮᱧ
ᱥᱚᱦᱨᱟᱭ ᱥᱮᱨᱮᱧ
᱑) ᱟᱞᱤᱧ ᱨᱮᱭᱟᱜ ᱱᱮᱦᱚᱨ ᱡᱚᱦᱟᱨ ᱫᱟᱭᱟ ᱠᱟᱛᱮᱜ ᱟᱧᱡᱚᱢ ᱯᱮ
ᱚᱛ ᱡᱚᱯᱚᱜ ᱱᱮᱦᱚᱨ ᱡᱚᱦᱟᱨ ᱟᱛᱟᱝ ᱛᱟᱞᱤᱧ ᱯᱮ
ᱵᱟᱝ ᱠᱟᱱᱟᱹᱧ ᱠᱟᱯᱤᱞ ᱜᱩᱨᱩ
ᱵᱟᱝ ᱠᱟᱱᱟᱹᱧ ᱚᱱᱚᱞᱤᱭᱟᱹ
ᱥᱚᱦᱨᱟᱭ ᱨᱟᱦᱟᱹᱧ ᱥᱮᱨᱮᱧ ᱮᱫᱟ
ᱛᱮᱞᱟ ᱮᱢᱟᱹᱧ ᱯᱮ ᱾
᱒) ᱨᱩᱥᱤᱠᱟᱹ ᱡᱤᱣᱤ ᱢᱟᱞᱟ ᱥᱮᱨᱮᱧ ᱯᱩᱛᱷᱤᱧ ᱩᱪᱷᱟᱹᱱ ᱟᱠᱟᱫ
ᱴᱩᱰᱩ ᱠᱚᱲᱟ/ᱦᱟᱸᱥᱫᱟ ᱠᱚᱲᱟ ᱚᱱᱚᱞᱤᱭᱟᱹ
ᱫᱮᱞᱟ ᱥᱮᱵᱚᱱ ᱥᱮᱨᱮᱧ ᱫᱮᱞᱟ ᱥᱮᱵᱚᱱ ᱯᱟᱲᱦᱟᱣ
ᱥᱤᱵᱤᱞ ᱠᱟᱛᱷᱟ ᱥᱚᱲᱚᱢ ᱨᱟᱥᱟ ᱥᱚᱦᱨᱟᱭ ᱨᱟᱦᱟ
ᱥᱤᱨᱡᱚᱱ ᱥᱚᱢᱟᱡᱽ ᱛᱟᱞᱟ ᱨᱮ
ᱛᱤ ᱡᱟᱝᱷᱟ ᱨᱩᱢᱩᱭ ᱨᱩᱢᱩᱭ ᱟᱧᱡᱚᱢ ᱛᱚᱨᱟ ᱨᱮ ᱾
᱓) ᱨᱩᱥᱤᱠᱟᱹ ᱡᱤᱣᱤ ᱢᱟᱞᱟ ᱥᱮᱨᱮᱧ ᱯᱩᱛᱷᱤᱧ ᱩᱪᱷᱟᱹᱱ ᱟᱠᱟᱫ
ᱫᱤᱥᱚᱢ ᱛᱟᱞᱟ ᱨᱮ
ᱫᱮᱞᱟ ᱥᱮᱵᱚᱱ ᱧᱮᱞ ᱜᱮᱞᱟᱭ
ᱥᱮᱨᱮᱧ ᱨᱟᱦᱟ ᱨᱟᱹᱥᱠᱟᱹ ᱨᱟᱦᱟ
ᱛᱟᱸᱦᱮᱸᱱ ᱛᱟᱯᱮ ᱢᱚᱱᱮᱨ ᱟᱥᱟ
ᱵᱚᱭᱦᱟ ᱵᱚᱦᱤᱱ ᱫᱮᱞᱟ ᱥᱮᱵᱚᱱ ᱥᱮᱨᱮᱧ ᱛᱮᱞᱟᱭᱟ ᱾
᱔) ᱥᱮᱨᱮᱧ ᱫᱚᱢ ᱞᱟᱫᱟ ᱥᱮᱢ ᱨᱟᱯᱟᱜᱟ
ᱥᱮᱨᱮᱧ ᱫᱚᱢ ᱡᱚᱢᱟ ᱥᱮᱢ ᱧᱩᱭᱟᱹ
ᱥᱮᱨᱮᱧ ᱫᱚ ᱢᱚᱱᱮ ᱨᱮᱜᱤ ᱥᱤᱵᱤᱞᱟ
ᱥᱮᱨᱮᱧ ᱫᱚ ᱞᱩᱴᱤ ᱨᱮᱜᱤ ᱞᱚᱴᱠᱚ ᱞᱚᱴᱚᱢᱚᱜ-ᱟ ᱾
᱕) ᱠᱩᱞᱦᱤ ᱫᱷᱩᱲᱤ ᱰᱤᱜᱤᱨ ᱰᱤᱜᱤᱨ
ᱱᱮᱣᱟᱛ ᱯᱮᱲᱟ ᱡᱷᱩᱢᱩᱨ ᱡᱷᱩᱢᱩᱨ
ᱥᱟᱹᱨᱤ ᱥᱚᱦᱨᱟᱭ ᱥᱚᱦᱚᱨ ᱥᱮᱴᱮᱨ ᱮᱱ,
ᱨᱟᱹᱥᱤᱠᱟᱹ ᱟᱹᱛᱩ ᱠᱚᱲᱟ ᱠᱩᱲᱤ
ᱡᱟᱶᱟᱭ ᱜᱚᱢᱠᱮ ᱦᱚᱯᱚᱱ ᱮᱨᱟ
ᱵᱟᱨᱳ ᱵᱚᱪᱷᱚᱨ ᱫᱩᱠᱷᱮᱨ ᱦᱚᱸ ᱵᱚᱱ ᱞᱟᱸᱫᱟ ᱞᱚᱴᱚᱢᱟ ᱾
᱖) ᱵᱤᱨ ᱵᱩᱨᱩᱭ ᱥᱚᱵᱷᱟᱭᱟ ᱫᱟᱨᱮ ᱱᱟᱹᱲᱤ ᱛᱟᱦᱮᱸᱱ ᱠᱷᱟᱱ
ᱚᱞᱚᱜ ᱯᱟᱲᱦᱟᱣ ᱰᱟᱹᱝᱜᱽᱣᱟ ᱠᱚᱲᱟ ᱠᱩᱲᱤ ᱛᱮ ᱟᱹᱛᱩᱭ ᱥᱚᱵᱷᱟᱭᱟ
ᱵᱟᱸᱫᱷ ᱵᱟᱹᱭᱦᱟᱲ ᱥᱚᱵᱷᱟᱜ-ᱟ ᱦᱳᱲᱳ ᱵᱟᱺᱫᱤ ᱛᱟᱦᱮᱱ ᱠᱷᱟᱱ
ᱦᱚᱨᱟᱥᱤ ᱵᱟᱸᱫᱮ ᱛᱟᱦᱮᱱ ᱠᱷᱟᱱ ᱫᱚ ᱦᱚᱲᱢᱚᱭ ᱥᱚᱵᱷᱟᱭᱟ ᱾
᱗) ᱛᱤᱦᱤᱱ ᱞᱮᱠᱟᱱ ᱫᱤᱱ ᱵᱟᱭᱨᱮ ᱥᱚᱦᱨᱟᱭ ᱞᱮᱠᱟᱱ ᱫᱤᱱ
ᱚᱠᱚᱭ ᱵᱟᱭᱨᱮ ᱪᱮᱫᱮ ᱢᱮᱛᱟ ᱤᱧ
ᱡᱟᱦᱟᱸᱭ ᱡᱟᱦᱟᱸ ᱞᱮᱠᱟ ᱡᱟᱦᱟᱸᱭ ᱞᱟᱹᱭ ᱠᱤᱧᱟᱹ
ᱡᱩᱨᱤ ᱵᱟᱭᱨᱮ ᱫᱟᱞᱤᱧ ᱢᱮᱱ ᱠᱷᱟᱱ
ᱢᱟᱹᱡᱷᱤ ᱴᱷᱮᱱᱤᱧ ᱞᱟᱹᱭ ᱠᱟᱜ-ᱟ
ᱢᱟᱹᱡᱷᱤ ᱴᱷᱮᱱᱤᱧ ᱞᱟᱞᱤᱥᱟ
ᱢᱚᱬᱮ ᱴᱟᱠᱟ ᱢᱚᱬᱮ ᱜᱟᱸᱰᱟ ᱯᱤᱴᱷᱟᱹᱧ ᱰᱟᱰᱚᱢ ᱦᱚᱪᱚᱭᱮᱭᱟ ᱾
᱘) ᱱᱟᱹᱭ ᱫᱟᱜ ᱦᱚᱸ ᱜᱟᱰᱟ ᱫᱟᱜ ᱦᱚᱸ
ᱵᱷᱤᱱᱟ ᱵᱷᱤᱱᱟ ᱟᱹᱛᱩᱜ-ᱟ ᱾
ᱥᱚᱵᱚᱨ ᱱᱟᱠᱷᱟ ᱜᱟᱷᱴ ᱨᱮᱫᱚ ᱫᱩᱠ ᱢᱤᱫᱚᱜ ᱠᱟᱱ,
ᱦᱚᱭ ᱡᱤᱣᱤ ᱦᱟᱥᱟ ᱦᱚᱲᱢᱚ ᱢᱤᱪᱷᱟᱹ ᱜᱮᱵᱚᱱ ᱞᱟᱹᱲᱦᱟᱹᱭᱟ,
ᱦᱟᱱᱟ ᱯᱩᱨᱤ ᱨᱮᱫᱚ ᱱᱟᱦᱟᱜ ᱵᱚᱱ ᱥᱮᱱ ᱢᱤᱫᱚᱜ-ᱟ ᱾
᱙) ᱛᱩᱢᱫᱟᱜ ᱴᱟᱢᱟᱠ ᱨᱤᱦᱤᱲ ᱵᱤᱫᱤᱲ
ᱱᱟᱛᱩ ᱠᱚᱲ ᱥᱤᱭᱚᱞ ᱵᱚᱭᱚᱞ
ᱱᱟᱢᱫᱚ ᱥᱟᱹᱨᱤ ᱵᱟᱪᱚᱢ ᱚᱰᱚᱠ ᱞᱮᱱ,
ᱤᱧ ᱡᱩᱫᱤ ᱦᱚᱯᱚᱱ ᱮᱨᱟ ᱦᱚᱲ ᱡᱩᱫᱤᱧ ᱛᱟᱦᱮᱸ ᱞᱮᱱᱠᱷᱟᱱ
ᱠᱩᱞᱦᱤ ᱠᱷᱚᱱᱟᱜ ᱨᱟᱪᱟ ᱥᱟᱢᱤᱛ ᱵᱟᱝ ᱤᱧ ᱵᱚᱞᱚ ᱠᱚᱜ-ᱟ ᱾
᱑᱐) ᱟᱭᱳ ᱵᱟᱵᱟ ᱟᱹᱛᱩ ᱨᱮ ᱫᱩᱢᱫᱟᱜ ᱴᱟᱢᱟᱠ ᱥᱟᱲᱮ ᱠᱟᱱ,
ᱛᱩᱢᱫᱟᱜ ᱴᱟᱢᱟᱠ ᱫᱩᱞ ᱫᱩᱠᱟᱜ ᱠᱟᱱ,
ᱮ ᱥᱟᱹᱨᱤ ᱦᱚ ᱥᱟᱹᱨᱤ ᱩᱰᱩᱠᱚᱜ ᱢᱮ ᱤᱫᱤᱧ ᱢᱮᱸ,
ᱯᱚᱨᱭᱟᱱᱤ ᱥᱟᱠᱟᱢ ᱞᱮᱠᱟᱹᱧ ᱴᱚᱞᱢᱚᱞᱚᱜ ᱠᱟᱱ ᱾
᱑᱑) ᱮ ᱥᱟᱹᱨᱤ ᱦᱚ ᱥᱟᱹᱨᱤ ᱢᱟᱥᱮ ᱥᱟᱹᱨᱤ ᱟᱧᱡᱚᱢ ᱢᱮ
ᱛᱟᱞᱟ ᱠᱩᱞᱦᱤ ᱨᱮᱫᱚ ᱥᱟᱹᱨᱤ ᱪᱮᱫ ᱪᱮᱫ ᱫᱩᱞ ᱫᱩᱞᱟᱹᱜ ᱠᱟᱱ,
ᱨᱟᱹᱥᱤᱠᱟᱹ ᱟᱹᱛᱩ ᱠᱚᱲᱟ ᱠᱩᱲᱤ ᱟᱠᱷᱲᱟ ᱠᱚ ᱡᱚᱢᱚᱠ ᱟᱠᱟᱫ
ᱟᱵᱚ ᱠᱩᱞᱦᱤ ᱟᱹᱛᱩ ᱴᱚᱞᱟ ᱨᱮ ᱾
ᱮ ᱥᱟᱹᱨᱤ ᱦᱚ ᱥᱟᱹᱨᱤ ᱩᱥᱟᱹᱨᱟ ᱛᱮ ᱥᱟᱡᱚᱜ ᱢᱮ
ᱟᱞᱟᱝ ᱦᱚᱞᱟᱝ ᱪᱟᱞᱟᱜ ᱥᱟᱹᱨᱤ
ᱛᱟᱞᱟ ᱠᱩᱞᱦᱤ ᱟᱠᱷᱲᱟ ᱛᱮ ᱾
᱑᱒) ᱥᱟᱺᱜᱤᱧ/ᱥᱩᱨ ᱨᱮᱜᱤ ᱵᱤᱴᱤ ᱫᱟᱜ ᱞᱩᱢ ᱥᱮᱱᱚᱜ/ᱪᱟᱞᱟᱜ ᱠᱟᱱ
ᱪᱮᱛᱟᱱ ᱞᱟᱛᱟᱨ ᱜᱟᱛᱮ ᱠᱩᱲᱤ ᱠᱚ ᱮᱱᱮᱡ ᱠᱟᱱ
ᱪᱮᱛᱟᱱ ᱞᱟᱛᱟᱨ ᱜᱟᱛᱮ ᱠᱩᱲᱤ ᱠᱚ ᱮᱱᱮᱡ ᱟᱠᱚ ᱜᱩᱦᱩᱲ ᱜᱩᱦᱩᱲ
ᱦᱟᱨᱟ ᱛᱚᱨᱟ ᱢᱚᱱᱮ ᱡᱤᱣᱤ ᱵᱤᱴᱤ
ᱨᱟᱹᱥᱤᱠᱟᱹ ᱡᱤᱣᱤ ᱪᱮᱠᱟᱢ ᱢᱟᱱᱟᱭᱟ
ᱫᱩ ᱵᱤᱴᱤ ᱮᱱᱮᱡ ᱥᱮᱨᱮᱧ ᱡᱚᱝ ᱢᱮ ᱾
᱑᱓) ᱩᱢ ᱠᱟᱛᱮ ᱱᱟᱹᱠᱤᱡ ᱠᱟᱛᱮ
ᱠᱩᱞᱦᱤ ᱪᱷᱟᱴᱠᱟ ᱨᱮᱧ ᱛᱤᱝᱜᱩ ᱞᱮᱱᱟ
ᱫᱷᱩᱲᱤ ᱫᱟᱹᱭᱱᱟ ᱚᱴᱟᱝ ᱟᱫᱤᱧᱟ
ᱨᱟᱹᱥᱤᱠᱟᱹ ᱫᱟᱹᱭᱱᱟ ᱪᱟᱯᱮ ᱮᱱᱟ
ᱨᱮᱭᱟᱲ ᱠᱟᱱᱰᱟ ᱫᱟᱜ ᱞᱮᱠᱟᱭᱤᱧ ᱪᱷᱤᱞᱠᱟᱣ ᱚᱰᱚᱠ ᱮᱱᱟ ᱨᱮ ᱾
᱑᱔) ᱠᱩᱞᱦᱤ ᱫᱷᱩᱲᱤ ᱰᱤᱜᱤᱨ ᱰᱤᱜᱤᱨ
ᱡᱚᱱᱚᱢ ᱪᱟᱸᱫᱚᱢ ᱮᱢᱟ ᱫᱤᱧᱟᱹ
ᱦᱟᱨᱟ ᱛᱚᱨᱟ ᱡᱩᱨᱤ ᱪᱟᱸᱫᱚ ᱵᱟᱢ ᱮᱢᱟ ᱫᱤᱧᱟᱹ ᱨᱮ
ᱡᱷᱮᱴ ᱵᱟᱹᱭᱥᱟᱹᱠ ᱞᱚᱞᱚ ᱥᱤᱛᱩᱢ ᱨᱚᱦᱚᱲ ᱫᱟᱨᱮ ᱵᱩᱴᱟᱹ ᱨᱮ
ᱢᱚᱱᱮ ᱢᱚᱱᱮ ᱛᱮ ᱢᱮᱫ ᱫᱟᱜ ᱤᱧ ᱡᱚᱨᱚᱭ ᱛᱤᱧᱟᱹ ᱨᱮ ᱾
᱑᱕) ᱱᱟᱯᱟᱭ ᱱᱟᱯᱟᱭ ᱠᱩᱲᱤ ᱪᱟᱸᱫᱚ ᱱᱟᱯᱟᱭ ᱱᱟᱯᱟᱭ ᱠᱚᱲᱟ
ᱦᱟᱭᱨᱮ ᱪᱟᱸᱫᱚᱢ ᱟᱠᱟᱞ ᱠᱮᱫᱟ ᱨᱮ
ᱟᱞᱮ ᱥᱚᱢᱚᱭ ᱨᱮᱫᱚ ᱪᱟᱸᱫᱚ ᱡᱷᱩᱢᱩᱨ ᱡᱷᱩᱢᱩᱨ ᱫᱟᱜᱽ ᱢᱮ
ᱟᱞᱮ ᱥᱚᱢᱚᱭ ᱨᱮᱫᱚ ᱪᱟᱸᱫᱚ ᱥᱟᱶᱟᱭ ᱟᱞᱮ ᱢᱮ ᱾
᱑᱖) ᱪᱮᱫ ᱞᱮᱠᱟᱱ ᱠᱩᱲᱤ ᱫᱟᱹᱭᱱᱟ ᱪᱮᱫ ᱞᱮᱠᱟᱱ ᱠᱚᱲᱟ
ᱞᱩᱜᱩ ᱵᱩᱨᱩ ᱦᱟᱱᱟ ᱥᱟ ᱛᱮ ᱫᱷᱩᱲᱤ ᱠᱤᱱ/ ᱠᱚ ᱚᱴᱟᱝ ᱠᱮᱫ,
ᱨᱤᱢᱤᱞ ᱞᱮᱠᱟᱱ ᱠᱚᱲᱟ ᱫᱟᱹᱭᱱᱟ
ᱵᱤᱡᱽᱞᱤ ᱞᱮᱠᱟᱱ ᱠᱩᱲᱤ
ᱠᱩᱜᱩ ᱵᱩᱨᱩ ᱦᱟᱱᱟ ᱥᱟ ᱛᱮ ᱫᱷᱩᱲᱤ ᱠᱤᱱ ᱚᱴᱟᱝ ᱠᱮᱫ ᱾
᱑᱗) ᱠᱩᱞᱦᱤ ᱫᱟᱬᱟ ᱫᱟᱬᱟ ᱛᱮ
ᱫᱟᱜ ᱫᱚ ᱱᱟᱭᱳ ᱛᱮᱛᱟᱝ ᱠᱤᱫᱤᱧ
ᱫᱮᱱ ᱜᱳ ᱱᱟᱭᱳ ᱫᱟᱜ ᱫᱚ
ᱮᱢᱟᱹᱧ ᱢᱮ ᱤᱧ ᱧᱩᱭᱟᱹ,
ᱱᱮ ᱵᱮᱴᱟ ᱠᱩᱸᱭ ᱫᱟᱜ
ᱱᱮ ᱵᱮᱴᱟ ᱰᱟᱰᱤ ᱫᱟᱜ
ᱪᱟᱣᱞᱮ ᱫᱟᱠᱟ ᱪᱟᱣᱞᱮ ᱨᱟᱥᱟ ᱫᱟᱜ ᱫᱚ ᱟᱜ ᱢᱮ ᱾
᱑᱘) ᱠᱚᱪᱟ ᱨᱮ ᱠᱩᱸᱥᱵᱤ ᱵᱟᱦᱟ ᱵᱟᱦᱟ ᱢᱮᱜᱤ ᱥᱟᱱᱟᱹᱧᱟ
ᱦᱟᱨᱟ ᱛᱚᱨᱟ ᱨᱮᱜᱤ ᱥᱟᱹᱨᱤᱧ ᱵᱟᱦᱟ ᱛᱚᱨᱟ ᱢᱮ
ᱪᱷᱟᱛᱟ ᱯᱟᱛᱟ ᱥᱟᱦᱟᱨ ᱵᱟᱡᱟᱨ ᱞᱩᱢᱟᱝ ᱥᱟᱹᱲᱤ
ᱵᱟᱸᱫᱮ ᱢᱮᱜᱤ ᱥᱟᱱᱟᱹᱧᱟ
ᱠᱩᱸᱣᱟᱨᱤ ᱢᱚᱱ ᱨᱮᱜᱤᱧ ᱵᱟᱱᱫᱮ ᱛᱚᱨᱟᱭ ᱢᱮ ᱾
᱑᱙) ᱟᱵᱮᱱ ᱫᱚᱱᱟ ᱡᱩᱨᱤ ᱠᱩᱲᱤ ᱥᱤᱞᱤᱯ ᱥᱟᱭᱟ ᱥᱤᱞᱤᱯ ᱥᱟᱹᱲᱤ ᱵᱩᱢᱵᱩᱨ ᱠᱩᱛ ᱵᱮᱱ ᱵᱟᱸᱫᱮ ᱠᱚᱜ-ᱟ
ᱟᱵᱮᱱ ᱫᱚᱱᱟ ᱟᱹᱛᱩ ᱴᱚᱞᱟ ᱫᱤᱥᱚᱢ ᱨᱮ
ᱢᱚᱪᱟ ᱠᱟᱲᱟᱣ ᱨᱚᱲ ᱛᱟᱵᱮᱱ
ᱡᱤᱣᱤ ᱨᱟᱲᱮᱡ ᱫᱩᱞᱟᱹᱲ
ᱱᱟᱞᱮ ᱥᱟᱱᱛᱟᱲ ᱫᱤᱥᱚᱢ ᱞᱮ ᱤᱫᱤ ᱵᱮᱱᱟ ᱾
᱒᱐) ᱵᱩᱨᱩ ᱡᱷᱟᱨᱱᱟ ᱥᱩᱜ ᱫᱟᱜ ᱰᱟᱰᱤ ᱫᱟᱜ ᱞᱩ ᱤᱧ ᱥᱮᱱ ᱞᱮᱱᱟ
ᱵᱩᱨᱩ ᱱᱟᱞᱟ ᱫᱷᱟᱥᱱᱟ ᱨᱮᱫᱚ ᱛᱤᱨᱭᱳ ᱥᱟᱲᱮ ᱠᱟᱱ
ᱛᱤᱨᱭᱳ ᱥᱟᱲᱮ ᱭᱳᱸᱦᱳᱸᱬ ᱭᱳᱸᱦᱳᱸᱬ
ᱵᱟᱱᱟᱢ ᱥᱟᱲᱮ ᱡᱤᱣᱤ ᱨᱟᱲᱮᱡ
ᱪᱮᱛᱟᱱ ᱞᱟᱛᱟᱨ ᱡᱟᱞᱟ ᱠᱟᱱᱰᱟ ᱤᱧ ᱨᱟᱹᱯᱩᱫ ᱠᱮᱫᱟ ᱨᱮ ᱾
᱒᱑) ᱵᱮᱸᱜᱮᱫ ᱨᱩᱣᱟᱹᱲ ᱢᱩᱞᱩᱡ ᱞᱟᱸᱫᱟ ᱪᱟᱜ ᱪᱚᱝ ᱜᱟᱛᱮ ᱤᱧ ᱦᱮᱣᱟ ᱮᱱᱟ
ᱵᱮᱸᱜᱮᱫ ᱨᱩᱣᱟᱹᱲ ᱢᱩᱞᱩᱡ ᱞᱟᱸᱫᱟ ᱪᱤᱠᱟᱹᱧ ᱦᱤᱲᱤᱧᱟ
ᱱᱟᱭᱳᱭ ᱫᱟᱞᱤᱧ ᱨᱮᱦᱚᱸ ᱜᱟᱛᱮ
ᱵᱟᱵᱟᱭ ᱨᱩᱦᱮᱫ ᱨᱮᱦᱚᱸ ᱜᱟᱛᱮ
ᱵᱮᱸᱜᱮᱫ ᱨᱩᱣᱟᱹᱲ ᱢᱩᱞᱩᱡ ᱞᱟᱸᱫᱟ ᱪᱤᱠᱟᱹ ᱤᱧ ᱦᱤᱲᱤᱧᱟ ᱾
᱒᱒) ᱟᱡᱚᱫᱤᱭᱟ ᱟᱬᱜᱚ ᱨᱟᱠᱟᱵ
ᱜᱟᱛᱤᱧ ᱛᱤᱧᱠᱚ ᱢᱟᱜ ᱠᱮᱫᱮ
ᱡᱟᱢᱩᱱᱟ ᱨᱮ ᱢᱟᱭᱟᱢ ᱟᱛᱩ ᱮᱱᱟ
ᱞᱩᱭ ᱨᱮᱦᱚᱸ ᱜᱟᱛᱤᱧ
ᱵᱷᱩᱨᱟᱜᱽ ᱨᱮᱦᱚᱸ ᱜᱟᱛᱤᱧ
ᱢᱟᱭᱟᱢ ᱜᱟᱢᱪᱷᱟ ᱛᱮ ᱤᱧ ᱪᱷᱟᱱᱤ ᱜᱟᱛᱤᱧ ᱢᱟᱭᱟᱢ ᱜᱮ ᱾
᱒᱓) ᱢᱟᱨᱟᱝ ᱵᱳᱨᱳ ᱨᱟᱱᱟᱠᱟᱵ ᱨᱮ ᱜᱟᱛᱤᱧ ᱛᱤᱧ ᱠᱚ ᱢᱟᱜ ᱠᱮᱫᱮ
ᱡᱤᱨᱤ ᱦᱤᱨᱤ ᱢᱟᱭᱟᱢ ᱟᱛᱩ ᱮᱱᱟ
ᱞᱚᱜ ᱠᱟᱱᱫᱚ ᱞᱟᱞᱮᱨ ᱜᱟᱢᱪᱷᱟ
ᱠᱚᱜ ᱠᱟᱱᱫᱚ ᱯᱟᱸᱭᱮᱨ ᱡᱩᱛᱟ
ᱠᱟᱜ ᱠᱟᱱᱫᱚ ᱦᱚᱲᱢᱚ ᱰᱤᱜᱤᱨ ᱰᱤᱜᱤᱨ
ᱜᱤᱫᱤ ᱪᱷᱤᱱ ᱛᱮ ᱤᱧ ᱟᱬᱜᱚ ᱞᱮᱱᱟ
ᱡᱟᱝ ᱵᱟᱦᱟ ᱜᱟᱛᱤᱧᱟᱜ
ᱱᱤᱥᱟᱱᱟ ᱤᱧ ᱫᱚᱦᱚ ᱟᱱᱟ ᱨᱮ ᱾
᱒᱔) ᱢᱟᱹᱡᱷᱤ ᱠᱚᱣᱟᱜ ᱪᱷᱟᱴᱠᱟ ᱨᱮ
ᱡᱚᱜᱽ ᱢᱟᱹᱡᱷᱤ ᱨᱟᱪᱟ ᱨᱮᱫᱚ
ᱮᱱᱮᱡ ᱥᱮᱨᱮᱧ ᱠᱩᱲᱤ ᱠᱚᱲᱟ ᱡᱷᱩᱢᱩᱨ ᱡᱷᱩᱢᱩᱨ
ᱠᱩᱲᱤ ᱠᱚᱫᱚ ᱥᱮᱨᱮᱧ ᱛᱟᱭᱱᱚᱢ
ᱠᱚᱲᱟ ᱠᱚᱫᱚ ᱛᱩᱢᱫᱟᱜ ᱴᱟᱢᱟᱠ
ᱛᱤᱨᱭᱳ ᱵᱟᱱᱟᱢ ᱠᱤᱯᱩᱨ ᱥᱟᱲᱮ ᱡᱷᱩᱢᱩᱨ ᱡᱷᱩᱢᱩᱨ
ᱟᱫᱚᱢ ᱠᱚᱫᱚ ᱡᱟᱹᱯᱤᱫ ᱡᱚᱝ
ᱟᱠᱷᱲᱟ ᱨᱮ ᱠᱚᱲᱟ ᱠᱩᱲᱤ ᱡᱷᱩᱢᱩᱨ ᱡᱷᱩᱢᱩᱨ ᱾
᱒᱕) ᱱᱟᱴᱟᱞ ᱱᱟᱴᱟᱞ ᱠᱩᱲᱤ ᱥᱟᱹᱨᱤ
ᱜᱮᱞᱵᱟᱨ ᱱᱟᱴᱟᱞ ᱠᱩᱲᱤ
ᱛᱟᱭᱚᱢ ᱱᱟᱴᱟᱞ ᱨᱮᱫᱚ ᱛᱤᱨᱭᱳ ᱤᱧ ᱵᱟᱹᱜᱤ ᱟᱫ-ᱟ
ᱛᱤᱨᱭᱳ ᱢᱟ ᱧᱩᱨ ᱮᱱ ᱡᱟᱝᱜᱟ ᱛᱮᱠᱚ ᱞᱮᱵᱮᱫ ᱞᱚᱴᱚᱢ ᱠᱮᱫ
ᱛᱤᱨᱭᱳ ᱥᱮᱸᱫᱽᱨᱟ ᱛᱮᱜᱮ ᱥᱤᱢᱠᱚ ᱨᱟᱜ ᱠᱮᱫ ᱾
᱒᱖) ᱛᱟᱞᱟ ᱠᱩᱞᱦᱤ ᱟᱠᱷᱲᱟ ᱨᱮ
ᱠᱟᱪᱷᱟ ᱫᱷᱩᱛᱤ ᱛᱮᱢ ᱫᱟᱦᱲᱤ ᱟᱠᱟᱱ ᱫᱟᱹᱣᱲᱟ ᱞᱮᱠᱟ
ᱩᱪᱷᱟᱞ ᱯᱟᱪᱷᱟᱞ ᱫᱚᱱ ᱨᱮᱫᱚ
ᱫᱟᱦᱲᱤ ᱥᱟᱹᱨᱤ ᱦᱚᱦᱚᱭ ᱞᱮᱠᱟ
ᱤᱧ ᱫᱚ ᱥᱟᱹᱨᱤ ᱤᱧ ᱡᱩᱨᱤ ᱟᱱᱟ ᱨᱮ ᱾
0 Comments