ᱵᱚᱸᱜᱟ ᱵᱩᱨᱩ ᱫᱚ ᱪᱮᱫ?
= ᱚᱱᱚᱞᱤᱭᱟᱹ ᱢᱟᱹᱱ ᱪᱟᱭᱛᱟᱱ ᱨᱟᱢ ᱠᱤᱥᱠᱩ
ᱟᱵᱚ ᱥᱟᱶᱛᱟ ᱡᱟᱹᱛᱤ ᱨᱮ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱠᱷᱚᱱᱟᱜ ᱟᱹᱰᱤᱡ ᱵᱟᱨᱚ ᱵᱟᱛᱚᱨ ᱢᱮᱱᱟᱜ ᱛᱟᱵᱚᱱᱟ᱾ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱠᱷᱚᱱ ᱵᱟᱛᱚᱨᱚᱜ ᱛᱮᱜᱮ ᱱᱚᱶᱟ ᱫᱩᱜ -ᱫᱟᱨᱟᱢ ᱞᱟᱹᱜᱤᱫ ᱥᱟᱶᱛᱟ ᱥᱚᱢᱟᱡᱽ ᱨᱮ ᱠᱟᱨᱟᱢ ᱟᱨ ᱫᱩᱨᱟᱢ ᱵᱚᱱ ᱢᱟᱱᱟᱣ ᱟᱹᱜᱩ ᱮᱫ-ᱟ᱾ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱫᱚ ᱦᱚᱭ-ᱵᱷᱟᱨᱟᱸᱰᱚ, ᱡᱟᱨᱜᱮ-ᱡᱟᱹᱯᱩᱫ, ᱞᱚ-ᱞᱚᱼᱥᱤᱛᱩᱝ, ᱚᱛᱢᱟ ᱦᱩᱫᱩᱲ, ᱰᱟᱹᱰᱤ-ᱫᱟᱜ ᱵᱚᱦᱮᱞ, ᱢᱟᱞᱚᱴ ᱟᱡᱟᱨ, ᱵᱟᱢ ᱟᱡᱟᱨ ᱟᱨ ᱥᱟᱶᱛᱮ ᱨᱮᱸᱜᱮᱡ-ᱨᱟᱵᱟᱝ ᱮᱢᱟᱱ-ᱮᱢᱟᱱ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱱᱚᱶᱟ ᱢᱟᱦᱟᱸ ᱥᱮ ᱢᱟᱹᱦᱤᱛ ᱠᱷᱚᱱᱟᱜ ᱵᱟᱪᱞᱟᱜ ᱞᱟᱹᱜᱤᱫ ᱟᱵᱚ ᱥᱟᱶᱛᱟ ᱢᱟᱹᱱᱢᱤ ᱫᱚᱵᱚᱱ ᱵᱚᱸᱜᱟ ᱵᱩᱨᱩᱜ-ᱟ᱾ ᱚᱱᱟ ᱠᱟᱹᱦᱤᱭᱟᱹᱫ ᱛᱮ ᱫᱮ-ᱫᱮᱞᱟ, ᱟᱦᱞᱟ ᱨᱮᱭᱟᱜ ᱯᱚᱦᱚᱠ ᱟᱨᱥᱟᱞ ᱛᱮ ᱟᱵᱚᱣᱟᱜ ᱵᱚᱸᱜᱟ -ᱵᱩᱨᱩ ᱵᱚᱱ ᱩᱨᱩᱢ ᱞᱮᱜᱮ᱾
ᱵᱚᱸᱜᱟ
ᱵᱚᱸᱜᱟ ᱟᱲᱟᱝ ᱫᱚ ᱥᱟᱶᱛᱟ ᱯᱟᱹᱨᱥᱤ ᱨᱮᱭᱟᱜ ᱟᱹᱲᱟᱹ ᱛᱮ ᱜᱚᱲᱷᱚᱱ ᱟᱠᱟᱱᱟ-
ᱵᱮᱸᱜᱮᱫ ᱟᱨ ᱟᱜ ᱾ 'ᱵᱮᱸᱜᱮᱫ' ᱨᱮᱭᱟᱜ ᱢᱮᱱᱛᱮ ᱫᱚ ᱦᱩᱭᱩᱜ ᱠᱟᱱᱟ- 'ᱧᱮᱞ' ᱟᱨ 'ᱟᱜ' ᱨᱮᱭᱟᱜ ᱢᱮᱱᱛᱮᱫᱚ ᱦᱤᱭᱩᱜ ᱠᱟᱱᱟ- 'ᱟᱫ' ᱾ ᱱᱚᱶᱟ ᱦᱚᱨᱟ ᱛᱮ ᱵᱩᱡᱷᱟᱹᱣ ᱧᱟᱢᱚᱜ ᱠᱟᱱᱟ ᱡᱮ- ᱵᱮᱸᱜᱮᱫ ᱟᱭ ᱨᱮ ᱡᱟᱦᱟᱸᱭ ᱟᱜ ᱜᱮ ᱛᱟᱦᱮᱱᱟᱭ, ᱩᱱᱤ ᱜᱮ 'ᱵᱮᱸᱜᱮᱫ ᱟᱜ' ᱵᱟᱝᱠᱷᱟᱱ 'ᱵᱚᱸᱜᱟ' ᱫᱚ᱾ ᱫᱚᱥᱟᱨ ᱦᱚᱨᱟ ᱛᱮ, ᱵᱮᱸᱜᱮᱫ ᱟᱭ ᱨᱮ ᱡᱟᱦᱟᱸᱭ, ᱟᱫ ᱜᱮ ᱛᱟᱦᱮᱱᱟᱭ, ᱩᱱᱤ ᱜᱮ 'ᱵᱚᱸᱜᱟ' ᱵᱚᱱ ᱢᱮᱛᱟᱭ ᱠᱟᱱᱟ᱾ ᱥᱟᱹᱨᱤ ᱠᱟᱛᱷᱟ ᱠᱟᱱ ᱜᱮᱭᱟ ᱡᱮ- ᱵᱚᱸᱜᱟ ᱫᱚ ᱮᱱᱛᱮᱫ ᱜᱮ ᱵᱟᱝ ᱠᱚ ᱧᱮᱞᱚᱜ-ᱟ᱾ ᱩᱱᱠᱩ ᱫᱚ ᱡᱟᱣ ᱜᱮ ᱟᱫ ᱜᱮᱠᱚ ᱛᱟᱦᱮᱱᱟ᱾ ᱟᱦᱞᱟ ᱨᱮᱭᱟᱜ ᱛᱚᱞᱟᱥ ᱞᱮᱠᱟ ᱛᱮᱫᱚ ᱱᱚᱶᱟ ᱜᱮ 'ᱵᱚᱸᱜᱟ' ᱫᱚ᱾
ᱵᱚᱸᱜᱟ-ᱵᱩᱨᱩ
ᱥᱟᱶᱛᱟ ᱫᱷᱚᱨᱚᱢ ᱨᱮᱫᱚ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱵᱚᱸᱜᱟ ᱫᱚ 'ᱢᱟᱨᱟᱝ ᱵᱩᱨᱩ' ᱜᱮ ᱵᱚᱱ ᱢᱟᱱᱟᱣ ᱟᱹᱜᱩ ᱟᱠᱟᱫᱮᱭᱟ᱾ ᱚᱱᱟᱛᱮ, ᱮᱱᱟᱝ ᱠᱷᱚᱱ ᱥᱮ ᱱᱤᱛ ᱦᱟᱹᱵᱤᱡ ᱛᱮ ᱵᱟᱦᱟ ᱨᱮ, ᱥᱚᱦᱨᱟᱭ ᱨᱮ ᱟᱨ-ᱟᱨ ᱡᱟᱵᱚᱛᱤ ᱯᱚᱨᱚᱵᱽ ᱨᱮ ᱢᱟᱨᱟᱝ ᱵᱩᱨᱩ ᱫᱚᱵᱚᱱ ᱵᱚᱸᱜᱟ ᱟᱭ ᱜᱮᱭᱟ᱾ ᱵᱟᱯᱞᱟ ᱟᱨ ᱵᱟᱦᱟ-ᱥᱟᱶᱛᱟ ᱨᱮᱦᱚᱸ ᱢᱟᱬᱟᱝ ᱛᱮ ᱢᱟᱨᱟᱝ ᱵᱩᱨᱩ ᱜᱮ ᱥᱩᱱᱩᱢ ᱥᱟᱶ-ᱥᱟᱶ ᱵᱚᱱ ᱚᱡᱚᱜ ᱞᱟᱦᱟ ᱮᱭᱟ ᱚᱱᱟ ᱛᱟᱭᱚᱢ ᱜᱮ ᱵᱚᱸᱜᱟ ᱜᱟᱲ ᱨᱮᱭᱟᱜ ᱵᱷᱤᱛ ᱟᱲᱮ ᱨᱮ ᱢᱤᱫ ᱴᱟᱝ ᱵᱩᱨᱩ ᱠᱚ ᱵᱟᱱᱟᱣᱟ᱾ ᱚᱱᱟ ᱫᱚ ᱜᱟᱹᱭ ᱜᱩᱨᱤᱡ ᱛᱮᱠᱚ ᱜᱮᱡ-ᱜᱩᱨᱤᱡᱟ ᱟᱨ ᱚᱸᱰᱮ ᱜᱮ ᱢᱟᱨᱟᱝ ᱵᱩᱨᱩ ᱩᱭᱦᱟᱹᱨ ᱠᱟᱛᱮᱡ ᱠᱚ ᱵᱚᱸᱜᱟ ᱦᱟᱭᱟ᱾ ᱚᱱᱟ ᱵᱮᱱᱟᱣ ᱵᱩᱨᱩ ᱜᱮ 'ᱵᱚᱸᱜᱟ ᱵᱩᱨᱩ' ᱵᱚᱱ ᱢᱮᱛᱟᱦᱟᱜ ᱠᱟᱱᱟ᱾ ᱚᱱᱟᱛᱮ, ᱥᱟᱶᱛᱟ ᱨᱤᱱ ᱜᱮᱞᱵᱟᱨ ᱯᱟᱹᱨᱤᱥᱟᱱ ᱡᱟᱹᱛᱤ ᱵᱚᱸᱜᱟᱭ ᱞᱟᱹᱜᱤᱫ 'ᱵᱚᱸᱜᱟ ᱵᱩᱨᱩ' ᱫᱚᱠᱚ ᱵᱮᱱᱟᱣ ᱜᱮᱭᱟ᱾
(ᱛᱚᱸᱜᱮ ᱨᱮ ᱟᱨᱚ ᱢᱮᱱᱟᱜ-ᱟ)
ᱚᱱᱚᱞᱤᱭᱟᱹ,ᱢᱟᱹᱱ ᱪᱟᱭᱛᱟᱱ ᱨᱟᱢ ᱠᱤᱥᱠᱩ
'ᱵᱟᱰᱚᱦᱤ'
ᱵᱮᱞᱰᱤᱦ
 |
= ᱚᱱᱚᱞᱤᱭᱟᱹ ᱢᱟᱹᱱ ᱪᱟᱭᱛᱟᱱ ᱨᱟᱢ ᱠᱤᱥᱠᱩ
ᱟᱵᱚ ᱥᱟᱶᱛᱟ ᱡᱟᱹᱛᱤ ᱨᱮ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱠᱷᱚᱱᱟᱜ ᱟᱹᱰᱤᱡ ᱵᱟᱨᱚ ᱵᱟᱛᱚᱨ ᱢᱮᱱᱟᱜ ᱛᱟᱵᱚᱱᱟ᱾ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱠᱷᱚᱱ ᱵᱟᱛᱚᱨᱚᱜ ᱛᱮᱜᱮ ᱱᱚᱶᱟ ᱫᱩᱜ -ᱫᱟᱨᱟᱢ ᱞᱟᱹᱜᱤᱫ ᱥᱟᱶᱛᱟ ᱥᱚᱢᱟᱡᱽ ᱨᱮ ᱠᱟᱨᱟᱢ ᱟᱨ ᱫᱩᱨᱟᱢ ᱵᱚᱱ ᱢᱟᱱᱟᱣ ᱟᱹᱜᱩ ᱮᱫ-ᱟ᱾ ᱥᱤᱨᱚᱥᱛᱟ ᱨᱮᱭᱟᱜ ᱢᱟᱦᱟᱸ ᱢᱟᱹᱦᱤᱛ ᱫᱚ ᱦᱚᱭ-ᱵᱷᱟᱨᱟᱸᱰᱚ, ᱡᱟᱨᱜᱮ-ᱡᱟᱹᱯᱩᱫ, ᱞᱚ-ᱞᱚᱼᱥᱤᱛᱩᱝ, ᱚᱛᱢᱟ ᱦᱩᱫᱩᱲ, ᱰᱟᱹᱰᱤ-ᱫᱟᱜ ᱵᱚᱦᱮᱞ, ᱢᱟᱞᱚᱴ ᱟᱡᱟᱨ, ᱵᱟᱢ ᱟᱡᱟᱨ ᱟᱨ ᱥᱟᱶᱛᱮ ᱨᱮᱸᱜᱮᱡ-ᱨᱟᱵᱟᱝ ᱮᱢᱟᱱ-ᱮᱢᱟᱱ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱱᱚᱶᱟ ᱢᱟᱦᱟᱸ ᱥᱮ ᱢᱟᱹᱦᱤᱛ ᱠᱷᱚᱱᱟᱜ ᱵᱟᱪᱞᱟᱜ ᱞᱟᱹᱜᱤᱫ ᱟᱵᱚ ᱥᱟᱶᱛᱟ ᱢᱟᱹᱱᱢᱤ ᱫᱚᱵᱚᱱ ᱵᱚᱸᱜᱟ ᱵᱩᱨᱩᱜ-ᱟ᱾ ᱚᱱᱟ ᱠᱟᱹᱦᱤᱭᱟᱹᱫ ᱛᱮ ᱫᱮ-ᱫᱮᱞᱟ, ᱟᱦᱞᱟ ᱨᱮᱭᱟᱜ ᱯᱚᱦᱚᱠ ᱟᱨᱥᱟᱞ ᱛᱮ ᱟᱵᱚᱣᱟᱜ ᱵᱚᱸᱜᱟ -ᱵᱩᱨᱩ ᱵᱚᱱ ᱩᱨᱩᱢ ᱞᱮᱜᱮ᱾
ᱵᱚᱸᱜᱟ
ᱵᱚᱸᱜᱟ ᱟᱲᱟᱝ ᱫᱚ ᱥᱟᱶᱛᱟ ᱯᱟᱹᱨᱥᱤ ᱨᱮᱭᱟᱜ ᱟᱹᱲᱟᱹ ᱛᱮ ᱜᱚᱲᱷᱚᱱ ᱟᱠᱟᱱᱟ-
ᱵᱮᱸᱜᱮᱫ ᱟᱨ ᱟᱜ ᱾ 'ᱵᱮᱸᱜᱮᱫ' ᱨᱮᱭᱟᱜ ᱢᱮᱱᱛᱮ ᱫᱚ ᱦᱩᱭᱩᱜ ᱠᱟᱱᱟ- 'ᱧᱮᱞ' ᱟᱨ 'ᱟᱜ' ᱨᱮᱭᱟᱜ ᱢᱮᱱᱛᱮᱫᱚ ᱦᱤᱭᱩᱜ ᱠᱟᱱᱟ- 'ᱟᱫ' ᱾ ᱱᱚᱶᱟ ᱦᱚᱨᱟ ᱛᱮ ᱵᱩᱡᱷᱟᱹᱣ ᱧᱟᱢᱚᱜ ᱠᱟᱱᱟ ᱡᱮ- ᱵᱮᱸᱜᱮᱫ ᱟᱭ ᱨᱮ ᱡᱟᱦᱟᱸᱭ ᱟᱜ ᱜᱮ ᱛᱟᱦᱮᱱᱟᱭ, ᱩᱱᱤ ᱜᱮ 'ᱵᱮᱸᱜᱮᱫ ᱟᱜ' ᱵᱟᱝᱠᱷᱟᱱ 'ᱵᱚᱸᱜᱟ' ᱫᱚ᱾ ᱫᱚᱥᱟᱨ ᱦᱚᱨᱟ ᱛᱮ, ᱵᱮᱸᱜᱮᱫ ᱟᱭ ᱨᱮ ᱡᱟᱦᱟᱸᱭ, ᱟᱫ ᱜᱮ ᱛᱟᱦᱮᱱᱟᱭ, ᱩᱱᱤ ᱜᱮ 'ᱵᱚᱸᱜᱟ' ᱵᱚᱱ ᱢᱮᱛᱟᱭ ᱠᱟᱱᱟ᱾ ᱥᱟᱹᱨᱤ ᱠᱟᱛᱷᱟ ᱠᱟᱱ ᱜᱮᱭᱟ ᱡᱮ- ᱵᱚᱸᱜᱟ ᱫᱚ ᱮᱱᱛᱮᱫ ᱜᱮ ᱵᱟᱝ ᱠᱚ ᱧᱮᱞᱚᱜ-ᱟ᱾ ᱩᱱᱠᱩ ᱫᱚ ᱡᱟᱣ ᱜᱮ ᱟᱫ ᱜᱮᱠᱚ ᱛᱟᱦᱮᱱᱟ᱾ ᱟᱦᱞᱟ ᱨᱮᱭᱟᱜ ᱛᱚᱞᱟᱥ ᱞᱮᱠᱟ ᱛᱮᱫᱚ ᱱᱚᱶᱟ ᱜᱮ 'ᱵᱚᱸᱜᱟ' ᱫᱚ᱾
ᱵᱚᱸᱜᱟ-ᱵᱩᱨᱩ
ᱥᱟᱶᱛᱟ ᱫᱷᱚᱨᱚᱢ ᱨᱮᱫᱚ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱵᱚᱸᱜᱟ ᱫᱚ 'ᱢᱟᱨᱟᱝ ᱵᱩᱨᱩ' ᱜᱮ ᱵᱚᱱ ᱢᱟᱱᱟᱣ ᱟᱹᱜᱩ ᱟᱠᱟᱫᱮᱭᱟ᱾ ᱚᱱᱟᱛᱮ, ᱮᱱᱟᱝ ᱠᱷᱚᱱ ᱥᱮ ᱱᱤᱛ ᱦᱟᱹᱵᱤᱡ ᱛᱮ ᱵᱟᱦᱟ ᱨᱮ, ᱥᱚᱦᱨᱟᱭ ᱨᱮ ᱟᱨ-ᱟᱨ ᱡᱟᱵᱚᱛᱤ ᱯᱚᱨᱚᱵᱽ ᱨᱮ ᱢᱟᱨᱟᱝ ᱵᱩᱨᱩ ᱫᱚᱵᱚᱱ ᱵᱚᱸᱜᱟ ᱟᱭ ᱜᱮᱭᱟ᱾ ᱵᱟᱯᱞᱟ ᱟᱨ ᱵᱟᱦᱟ-ᱥᱟᱶᱛᱟ ᱨᱮᱦᱚᱸ ᱢᱟᱬᱟᱝ ᱛᱮ ᱢᱟᱨᱟᱝ ᱵᱩᱨᱩ ᱜᱮ ᱥᱩᱱᱩᱢ ᱥᱟᱶ-ᱥᱟᱶ ᱵᱚᱱ ᱚᱡᱚᱜ ᱞᱟᱦᱟ ᱮᱭᱟ ᱚᱱᱟ ᱛᱟᱭᱚᱢ ᱜᱮ ᱵᱚᱸᱜᱟ ᱜᱟᱲ ᱨᱮᱭᱟᱜ ᱵᱷᱤᱛ ᱟᱲᱮ ᱨᱮ ᱢᱤᱫ ᱴᱟᱝ ᱵᱩᱨᱩ ᱠᱚ ᱵᱟᱱᱟᱣᱟ᱾ ᱚᱱᱟ ᱫᱚ ᱜᱟᱹᱭ ᱜᱩᱨᱤᱡ ᱛᱮᱠᱚ ᱜᱮᱡ-ᱜᱩᱨᱤᱡᱟ ᱟᱨ ᱚᱸᱰᱮ ᱜᱮ ᱢᱟᱨᱟᱝ ᱵᱩᱨᱩ ᱩᱭᱦᱟᱹᱨ ᱠᱟᱛᱮᱡ ᱠᱚ ᱵᱚᱸᱜᱟ ᱦᱟᱭᱟ᱾ ᱚᱱᱟ ᱵᱮᱱᱟᱣ ᱵᱩᱨᱩ ᱜᱮ 'ᱵᱚᱸᱜᱟ ᱵᱩᱨᱩ' ᱵᱚᱱ ᱢᱮᱛᱟᱦᱟᱜ ᱠᱟᱱᱟ᱾ ᱚᱱᱟᱛᱮ, ᱥᱟᱶᱛᱟ ᱨᱤᱱ ᱜᱮᱞᱵᱟᱨ ᱯᱟᱹᱨᱤᱥᱟᱱ ᱡᱟᱹᱛᱤ ᱵᱚᱸᱜᱟᱭ ᱞᱟᱹᱜᱤᱫ 'ᱵᱚᱸᱜᱟ ᱵᱩᱨᱩ' ᱫᱚᱠᱚ ᱵᱮᱱᱟᱣ ᱜᱮᱭᱟ᱾
(ᱛᱚᱸᱜᱮ ᱨᱮ ᱟᱨᱚ ᱢᱮᱱᱟᱜ-ᱟ)
ᱚᱱᱚᱞᱤᱭᱟᱹ,ᱢᱟᱹᱱ ᱪᱟᱭᱛᱟᱱ ᱨᱟᱢ ᱠᱤᱥᱠᱩ
'ᱵᱟᱰᱚᱦᱤ'
ᱵᱮᱞᱰᱤᱦ
Posted by-Bijendra Hansda
0 Comments