ᱫᱷᱟᱹᱨᱛᱤ ᱡᱤᱣᱤ

ᱫᱷᱟᱹᱨᱛᱤ ᱡᱤᱣᱤ

ᱯᱨᱚ ᱥᱭᱟᱢ ᱪᱚᱨᱚᱬ ᱦᱮᱢᱵᱽᱨᱚᱢ

ᱱᱚᱶᱟ ᱢᱚᱧᱪᱚᱯᱩᱨᱤ ᱢᱟᱦᱟᱸ ᱢᱤᱞᱚᱱ ᱡᱩᱨᱤ,

ᱵᱟᱭ ᱨᱚᱲᱚᱜ-ᱟ ᱡᱤᱣᱤ ᱠᱟᱛᱷᱟ᱾

ᱚᱜᱚᱢ ᱫᱚᱨᱭᱟ ᱞᱟᱹᱣᱠᱟ ᱞᱮᱠᱟ ᱡᱤᱣᱤ ᱢᱟ ᱴᱚᱞᱚᱢᱚᱞᱚ,

ᱛᱤ ᱨᱮ ᱵᱚᱦᱮᱞᱚᱜ-ᱟ ᱴᱷᱤᱠᱟᱹᱱ ᱵᱟᱹᱱᱩᱜ᱾

ᱚᱠᱟ ᱨᱮ ᱥᱚᱨᱚᱜᱽ ᱚᱠᱟ ᱨᱮ ᱱᱚᱨᱚᱠ,

ᱛᱤᱢᱤᱱ ᱥᱟᱺᱜᱤᱱ ᱨᱮ ᱢᱮᱱᱟᱜ ᱟᱱᱟᱝ᱾

ᱥᱚᱨᱚᱜᱽ ᱱᱚᱨᱚᱠ ᱵᱟᱱᱟᱨ ᱜᱮ ᱢᱮᱱᱟᱜ-ᱟ ᱫᱷᱟᱹᱨᱛᱤ ᱪᱮᱛᱟᱱ ᱨᱮ,

ᱢᱟᱱᱶᱟ ᱡᱤᱣᱤ ᱨᱮᱜᱮ ᱞᱮᱛᱟᱲ ᱟᱠᱟᱱ᱾

ᱥᱟᱹᱨᱤ ᱫᱩᱞᱟᱹᱲ ᱛᱮ ᱱᱟᱥᱮ ᱫᱩᱞᱟᱹᱲ ᱛᱮ,

ᱵᱟᱦᱟ ᱨᱟᱥᱟ ᱞᱮᱠᱟ ᱥᱚ ᱥᱚᱸᱫᱷᱟᱲ᱾

ᱥᱟᱹᱨᱤ ᱨᱮᱦᱚᱸ ᱟᱨ ᱱᱟᱥᱮ ᱨᱮᱦᱚᱸ ᱢᱮᱱᱟᱜ ᱢᱟᱱᱶᱟ ᱪᱮᱛᱟᱱ,

ᱚᱱᱟ ᱛᱮᱜᱮ ᱫᱷᱟᱹᱨᱛᱤ ᱛᱤᱝᱜᱩ ᱟᱠᱟᱱ᱾

ᱡᱤᱣᱤ ᱢᱤᱨᱩᱭ ᱩᱰᱟᱹᱜ ᱦᱚᱲᱢᱚ ᱦᱟᱥᱟ ᱨᱮ ᱢᱮᱥᱟᱜ,

ᱟᱛᱢᱟ ᱫᱚ ᱛᱟᱺᱦᱮᱱ ᱜᱮᱭᱟ ᱪᱟᱸᱫᱚ ᱞᱮᱠᱟ᱾

ᱥᱟᱶᱛᱟ ᱫᱤᱥᱚᱢ ᱞᱟᱹᱜᱤᱫ ᱵᱚᱝᱜᱟ ᱠᱟᱹᱢᱤ ᱞᱟᱹᱜᱤᱫ,

ᱫᱷᱟᱹᱨᱛᱤ ᱛᱤᱱ ᱫᱤᱱ ᱛᱟᱺᱦᱮᱱ, ᱧᱩᱛᱩᱢ ᱩᱱ ᱫᱤᱱ᱾