ᱪᱟᱺᱫᱚ ᱴᱷᱮᱱ ᱠᱚᱭᱡᱚᱝ Chando then koy Jong

              ᱪᱟᱺᱫᱚ ᱴᱷᱮᱱ ᱠᱚᱭᱡᱚᱝ

               

                                                       =ᱴᱷᱟᱠᱩᱨ ᱯᱨᱟᱥᱟᱫ ᱢᱩᱨᱢᱩ

ᱟᱹᱰᱤ ᱦᱚᱲ ᱠᱚ ᱠᱚᱭᱮᱛ ᱢᱮᱭᱟ ᱟᱹᱰᱤ ᱞᱮᱠᱟᱱᱟᱜ,
ᱦᱮᱪ ᱟᱠᱟᱱᱟᱹᱧ ᱤᱧ ᱦᱚᱸ ᱮ ᱪᱟᱺᱫᱚ,
ᱟᱢᱟᱜ ᱡᱟᱦᱮᱨ ᱛᱮ ᱠᱚᱭᱡᱚᱝ
ᱫᱟᱺᱦᱟᱥ ᱟᱨ ᱫᱩᱠ ᱥᱟᱜᱦᱟᱥ ᱫᱟᱲᱮ᱾

ᱥᱟᱺᱦᱟᱥ ᱤᱢᱟᱹᱧ ᱢᱮ ᱱᱟᱹᱝᱠᱟ ᱡᱮᱢᱚᱱ,
ᱫᱩᱠ ᱧᱮᱞ ᱛᱮ ᱟᱞᱚᱜᱤᱧ ᱯᱟᱹᱪᱚᱜ,
ᱵᱚᱛᱚᱨ ᱜᱮ ᱦᱚᱭ ᱫᱚᱜ ᱟᱨ ᱠᱟᱛᱮ

ᱩᱢᱩᱞᱚᱜ ᱫᱚ ᱟᱞᱚᱜᱤᱧ ᱫᱟᱹᱲ ᱩᱠᱩᱱ᱾

ᱫᱩᱠ ᱥᱟᱶᱛᱤᱧ ᱛᱟᱯᱟᱢᱚᱜ ᱟ,
ᱟᱹᱱᱠᱟᱱ ᱛᱟᱯᱟᱢ ᱫᱟᱲᱮ ᱤᱢᱟᱹᱧ ᱢᱮ ᱵᱟᱲᱮ,
ᱟᱨ ᱡᱤᱛᱠᱟᱹᱨᱚᱜ ᱜᱤᱭᱟᱹᱧ ᱠᱷᱟᱺᱴᱤ ᱜᱮ
ᱪᱮᱫᱟᱜ ᱡᱮ ᱵᱤᱨ ᱠᱚ ᱞᱮᱠᱟᱹᱧ ᱛᱟᱯᱟᱢᱟ᱾

ᱡᱟᱺᱦᱟ ᱛᱤᱱᱟᱹᱜ ᱢᱟᱨᱟᱱᱜ ᱡᱟᱺᱜᱮ ᱫᱟᱨᱟᱢ ᱜᱮ,
ᱦᱤᱡᱩᱜ ᱢᱟ ᱤᱧ ᱥᱟᱢᱟᱝᱨᱮ ᱮ ᱪᱟᱺᱫᱚ,
ᱤᱢᱟᱹᱧ ᱢᱮ ᱱᱟᱹᱝᱠᱟᱱ ᱫᱟᱲᱮ ᱡᱮᱢᱚᱱ
ᱥᱟᱱᱟᱢ ᱡᱟᱺᱜᱮ ᱫᱟᱨᱟᱢᱤᱧ ᱨᱟᱹᱯᱩᱫ ᱫᱟᱲᱮᱭᱟᱜ ᱢᱟ᱾

ᱫᱩᱠ ᱫᱚᱨᱭᱟ ᱠᱷᱚᱱ ᱚᱣᱟᱹᱨᱤᱧ ᱢᱮ,
ᱟᱹᱱᱠᱟ ᱫᱚ ᱵᱟᱝ ᱤᱧ ᱢᱮᱛᱟᱢ ᱠᱟᱱ,
ᱰᱷᱤᱯ ᱛᱮ ᱯᱟᱭᱨᱟ ᱚᱰᱟᱠᱚᱜ ᱫᱟᱲᱮ ᱵᱟᱲᱮ
ᱤᱧ ᱫᱚ ᱫᱟᱭᱟ ᱠᱟᱛᱮ ᱤᱢᱟᱹᱧ ᱢᱮ᱾

ᱦᱟᱢᱟᱞ ᱟᱠᱟᱱ ᱜᱚᱜᱚ ᱛᱤᱧ ᱤᱧᱟᱜ,
ᱨᱟᱣᱟᱞ ᱫᱚ ᱵᱟᱝ ᱜᱤᱧ ᱢᱮᱛᱟᱢ ᱠᱟᱱ,
ᱦᱟᱢᱟᱞ ᱜᱚᱜ ᱛᱤᱧ ᱜᱚᱜ ᱞᱟᱹᱜᱤᱫ
ᱫᱟᱲᱮ ᱵᱟᱲᱮ ᱤᱢᱟᱹᱧ ᱢᱮ ᱪᱟᱺᱫᱚ᱾

ᱥᱨᱸᱫᱨᱟ ᱧᱟᱯᱟᱢ ᱫᱩᱠ ᱡᱩᱫᱤ ᱡᱟᱺᱦᱟ ᱦᱤᱞᱚᱜ,
ᱟᱞᱚ ᱦᱤᱡᱩᱜ ᱢᱟ ᱚᱦᱚᱝᱠᱟᱨ ᱛᱤᱧ ᱢᱚᱱᱮᱨᱮ,
ᱫᱩᱠ ᱟᱨ ᱫᱩᱠ ᱫᱚ ᱟᱢᱟᱜ ᱜᱮ ᱛᱷᱩᱢ ᱠᱟᱱ
ᱱᱟᱹᱝᱠᱟ ᱵᱟᱰᱟᱭ ᱠᱟᱛᱮ ᱵᱚᱦᱚᱜᱨᱤᱧ ᱟᱛᱟᱝᱢᱟ᱾

ᱥᱟᱶᱟᱭ ᱚᱠᱛᱚ ᱨᱤᱱ ᱜᱟᱛᱮ ᱡᱮᱛᱮ,
ᱵᱟᱹᱜᱤᱭᱟᱹᱫᱤᱧᱟᱠᱚ ᱮᱠᱟᱞ ᱨᱮ,
ᱵᱟᱹᱜᱤ ᱚᱪᱚᱠᱚ ᱮ ᱪᱟᱺᱫᱚ ᱫ
ᱷᱤᱨᱤᱢ ᱵᱟᱲᱮ ᱢᱚᱱᱮᱨᱮ ᱛᱤᱧ ᱡᱚᱜᱟᱣ ᱫᱚᱦᱚᱭᱢᱮ᱾

ᱥᱮᱱ ᱥᱮᱱ ᱫᱤᱱ ᱠᱚᱦᱚᱸ,
ᱢᱩᱪᱟᱹᱫ ᱦᱮᱡ ᱤᱫᱤᱜ ᱠᱟᱱ, 
ᱢᱩᱪᱟᱹᱫᱚᱜ ᱢᱟ ᱮ ᱪᱟᱺᱫᱚ
ᱚᱱᱟᱨᱮ ᱢᱚᱱ ᱫᱩᱠ ᱦᱚᱸ ᱵᱟᱹᱱᱩᱜ ᱟᱹᱱ᱾

ᱪᱮᱫᱟᱜ ᱡᱮ ᱫᱤᱱ ᱫᱚ
ᱢᱤᱫ ᱫᱤᱱ ᱢᱩᱪᱟᱹᱫᱚᱜ ᱜᱮᱭᱟ,
ᱢᱮᱱᱠᱟᱷᱟᱱ ᱟᱢᱟᱜ ᱥᱟᱶ ᱫᱚ ᱮ ᱪᱟᱺᱫᱚ
ᱛᱤᱥ ᱨᱮᱦᱚᱸ ᱟᱞᱚᱜᱮ ᱢᱩᱪᱟᱹᱫᱚᱜ᱾
               ᱸᱸᱸ

                   
ᱥᱟᱱᱛᱟᱞᱤ ᱯᱟᱫᱭ ᱥᱟᱝᱜᱨᱟᱦ
(ᱥᱟᱱᱛᱟᱲᱤ ᱜᱟᱹᱛᱷᱱᱤ ᱜᱟᱫᱮᱞ)